sábado, 1 de julho de 2017

UE iha Bissau: Suspensaun RTP, RDP ho Lusa konstitui "limitasaun ida ba liberdade imprensa nian"

PARTILHAR
Iha loron-sesta ne'e reprezentante hosi Uniaun Europeia iha Bissau, Victor Madeira dos Santos, konsidera desizaun hosi Governu Guiné-Bissau nian hodi suspende atividade hosi RTP, RDP ho Ajénsia Lusa hanesan "limitasaun ida ba liberdade imprensa nian". 

"Ami iha atensaun, kontaktu malu [Bissau ho Bruxelas] hodi desidi atitude saida maka ami foti, maibé hanesan evidente katak ne'e ba ami hanesan limitasaun ida ba liberdade imprensa no tenki trata hanesan merese", lamenta ona hosi reprezentante Uniaun Europeia (UE), iha deklarasaun sira ba ajénsia Lusa.

Ministru Komunikasaun Sosial guiniense fó sai iha loron-sesta ne'e suspensaun ba atividade sira RTP, RDP ho Ajénsia Lusa iha Guiné-Bissau, hodi hatete katak hotu ona akordu koperasaun nian iha área komunikasaun sosial ne'ebé asina entre Lisboa ho Bissau.

Iha konferénsia imprensa, Vítor Pereira informa ona katak hahú iha loron-sesta kalan-boot iha Bissau suspende ona atividade tomak hosi órgaun portugés tolu iha nasaun ne'e to'o Governu Lisboa loke negosiasaun sira hodi asinatura akordu foun ida.

Victor Madeira dos Santos hatutan ona katak UE "iha atensaun" kona-ba situasaun, instituisaun ne'e iha "kontaktu metin" ho Governu Portugal, iha nível hosi embaixada rua nune'e mós iha reprezentasaun permanente no hosi sede Uniaun Europeia iha Bruxelas.


"Sira sei desidi atitude saida maka sei foti kona-ba saida maka akontese ona", nia hatete.

Victor Madeira dos Santos hatutan mós katak UE "hein hela" reasaun dahuluk hosi Governu portugés hafoin ne'e maka desidi atu harii asaun konjuntu ida iha nível UE nian ka Governu portugés sei kontinua iha asaun bilateral sira iha prosesu ne'e.

Governante hatutan mós iha konferénsia imprensa katak responsável hosi órgaun komunikasaun sosial portugés tolu ne'e maka desidi kona-ba jestaun konkretu hosi rekursu sira iha rai laran, maibé husik loloos katak "desizaun hosi suspensaun atividade sira hanesan explisita".

Ministru hatutan katak suspensaun hosi atividade sira laiha relasaun ruma ho konteúdu sira ne'ebé maka órgaun tolu ne'e halo maibé nia hatutan katak Bissau konsidera katak presiza "haree fali no negosia fali" kondisaun sira hosi akordu koperasaun nian ne'ebé halo iha tinan 20 liubá.

Vítor Pereira explika katak hahú hosi asinatura akordu iha área komunikasaun sosial entre governu sira Bissau ho Lisboa, iha ona mudansa sira iha sosiedade no iha panorama hosi komunikasaun sosial rasik.

Governante explika ona katak, dezde tinan 14 liubá, Bissau tenta tuur hamutuk ho Governu portugés hodi halo negosiasaun sira maibé "lahó susesu".

Ministru guiniense hatete ona katak laiha resposta ruma hosi parte portugeza ba karta, nune'e maka mantén desizaun hodi suspende atividade hosi empreza portugeza sira, hodi hatete katak parte guiniense "halo ona esforsu tomak" hodi evita situasaun ne'e.

"Triste tebes tanba ami nia esforsu sira hetan ona hanesan resposta silénsia preokupante ida no laiha justifikasaun hosi parte portugeza", refere hosi Vítor Pereira.

Guiné-Bissau hasoru hela situasaun ida krizi institusional dezde eleisaun ikus sira, ho afastamentu ida entre partidu vensedor hosi lejislativu sira no Prezidente Repúblika ne'ebé eleito mós.

Governu atual laiha apoiu hosi partidu ne'ebé manán eleisaun sira ho maioria absoluta no difikuldade polítiku ne'e halo nasaun oioin, entre sira maka Portugal, no instituisaun internasional sira apela ba konsensu ida.

SAPO TL ho Lusa

Lee iha Página Global (portugéz)
PARTILHAR

Author: verified_user

Publicação luso-timorense sem fins lucrativos

0 comentários: