DILI
- Reprezentante povu iha Parlamentu Nasional sente preokupa tebes ho komunidade
sira neebe laiha konsiesia hodi sobu kanu bee-mos arbiru deit iha Kapital Dili.
Rezulta komunidade balun lahetan bee-mos.
#Hau
sente komunidade sira neebe sobu kanu bee-mos, iha fatin-fatin tenke selu multa
ba estadu, tanba bee-mos hanesan pilar ba ema nia moris. Tan nee se-deit mak
halo kuak kanu ita presiza fo sansaun ba sira, atu nunee sira labele halo tan,”
dehan Depuatdu Paulino Monteiro husi bankada PD ba STL iha Parlamentu Nasional,
Kuarta (23/08/2017).
Tuir
Paulino katak, tuir lolos governu tenke liu husi Servisua Aqua e Saniementu
(SAS) halao nia knar ho lolos oinsa kontrola instalasaun bee-mos iha baze, atu
nunee povu bele asesu hotu ba bee-mos.
Iha
fatin hanesan Deputada Jacinta Pereira hateten, komuniodade sira tenke iha
konsiensia labele sobu kanu bee-mos arbiru, tanba atetude ida nee sai
preokupasaun boot ba ema hotu neebe susar atu hetan bee-mos.
Tanba
nee husu ba komunidade sira katak, karik bee maran bele bolu ekipa SAS tun ba
haree atu nunee konsidera malu, labele ida-idak foti dezisaun sobu instalasaun
bee-mos arbiru.
Tuir
observasaun STL nota katak, iha komunidade bairru balun sempre sobu kanu
bee-mos liu-liu husi parte Comoro. Atetude ida nee mak sempre estraga bee
arbiru.
Madalena
Horta | Suara Timor Lorosae
Sem comentários:
Enviar um comentário