DILI,
(TATOLI) - Sekretáriu Jerál Partidu Fretilín Mari Alkatiri foin lalais ne’e,
iha Palásiu Prezidente da Repúblika, Bairru-Pité update progresu servisu
Fretilín hodi forma VII Governu konstitusionál ba Prezidente Repúblika,
Francisco Guterres Lú Olo.
Marí
Alkatiri garante katak antes 5 Setembru, iha ona akordu entre FRETILIN ho
partidu seluk hodi harii governu foun.
“FRETILIN
lakohi ukun hodi kontra partidu sira seluk, tanba ne’e maka FRETILIN hakarak
ukun ho koligasaun, inkluzaun no insidénsia parlamentár,” Alkatiri dehan ba
jornalista sira iha Palásiu Prezidenti Nicolau Lobato, Bairru-Pité, Dili,
hafoin inkontru ho Prezidenti Repúblika, Francisco Guterres Lú Olo, Segunda
(28/08).
Tuir
Marí katak akordu ne’e sei hala’o entre partidu ne’ebé halo koligasaun no
inkluzaun, maibé sei laiha akordu ho partidu ne’ebé halo insidénsia
parlamentár.
Nia
hatutan sintidu hosi inkluzaun no insidénsia parlamentár ne’ebé FRETILIN hala’o
ho partidu sira seluk ne’e hakarak kria unidade no estabilidade.
Ba
daudaun ne’e Alkatiri dehan, KHUNTO resposta ona karta hosi FRETILIN no
disponivel atu túr hamutuk hodi diskute substánsia hosi formasaun governu.
Entretantu,
Sekretáriu Jerál FRETILIN ho nia estrutura enkontru ho Xefe Estadu tanba
konvida hosi Xefe Estadu rasik ho objetivu atu rona lider FRETILIN nia hanoin
kona-ba progresu formasaun governu la’o to’o iha ne’e é ona.
Jornalista:
Xisto Freitas | Editór: Manuel Pinto
Foto:
Sekretáriu Jerál Partidu Fretilín Mari Alkatiri ko'alia ba Imprensa
Sem comentários:
Enviar um comentário