domingo, 13 de agosto de 2017

Minimiza Korupsaun, Ukun Nain Tenke Iha Politika Diak

PARTILHAR
DILI – Minimiza korupsaun iha rai laran, ukun nain sira tenke iha politika diak, tanba haree ba realidade, nee publiku preokupasaun neebe labele lori lensol taka tiha loromatan.

Kestaun nee hatoo husi Deputadu Bankada Fretilin Francisco Branco hatete, kolia kona ba korupsaun neebe mak oras nee dadaun sai preokupasaun ba ema hotu, ida nee tenke buka dalan oinsa bele minimiza, tanba realidade neebe iha labele lori hena taka tiha loro matan. Ukun nain sira neebe povu fo fiar tenke iha politika diak hodi minimiza hahalok korupsaun nee.

Haree ba oras nee dadaun korupsaun neebe mosu publiku kestiona inklui Prezidente Republika, ida nee realidade, akontese, ita labele  lori hena ida taka tiha loro matan, ou ita atu finji tiha katak buat ida laiha nee lalos, tanba nee ita labele lori lensol taka loro matan,” katak Branco ba STL Kinta foin lalais nee, iha Parlamentu Nasional.

Nia hatete, haree ba realidade sira neebe mak akontese, tanba nee partidu politika sira neebe mak povu ona ona, atu ba kaer ukun iha tinan 2017 ba too 2022 nee, tenke haree ba kestaun ida nee. I tenke hola politika ida diak, administrasional neebe mak transparente, ho jestaun finanseiru diak, hodi minimiza korupsaun, atu nunee buat hotu-hotu bele lao ho diak.

Nunee mos, Iha parte seluk, Deputadu husi husi Bankada PD Adriano Joao hatete haree ba kazu korupsaun nee presiza atu minimiza ida nee husu ba governu foun mai agora tenke toma atensaun atu nunee hodi halakon hahalok sira hanesan nee hodi halo dezenvolvimentu diak ba moris povu no hasai povu husi kiak no mukit. 

Guilhermina Franco / Jacinta Sequeira | Suara Timor Lorosae
PARTILHAR

Author: verified_user

Publicação luso-timorense sem fins lucrativos

1 comentários:

Alberto Ximenes disse...

Ita kolia kona ba Korupsaun ne'e maioria mai husi Lideransa sira, Laos Mai husi Povu, oinsa atu minimiza nai ulun sira rasik ne'ebe agora dadaun tur iha PN kolia dadauk no komentario kona ba Korupsaun, Nai Deputado sira hatene kolia Korupsaun, Tamba sa Lei CAC nian tenke Bodu no dada ba bebeik?? Se mak atu halo Lei ne'e?? se Laos PN se tan mak atu halo?? Korupsaun ne'e iha Parte Rua mak hanesan: 1). Korupsaun Indireita mak hanesan, Halo kontratu ba projeitu sira, halo manipulasaun oi-oin iha kontratu sira no seluk-seluk tan.
2) Korupsaun Direita ou Korupsaun Legal mak hanesan, Deputadu sira halo Lei hodi Veneficio deit ba Deputadu sira nia an rasik. Exemplu : Lei Pensaun Vitalisia Fo Veneficio liu ba Eis Deputado sira ho Regalias oi-oin, Halo Lei no Aprova Lei kona ba Halo Lelao ba Kareta Estadu sira Ne'ebe sosa ho folin Karun Maibe Lei ne fo dalan ba deit Deputado sira hodi Lelao Kareta Prado Ne'ebe mak foin uja Tinan 5 ho folin $ 8.000 kada Kareta ida. Se nune nusa la Loke ba Publiku atu ne'e bele Lelaun ho folin ne'ebe masuk akal itoan no Lori Veneficio ba Estado?? Deputadu sira dala barak hakilar Guverno atu Poupa Osan maibe deputadu sira pior liu tamba halo lei ba sira nia an rasik deit. Deputadu sira agora laiha lie sentimentu Nasionalismo nbe diak ba Povu no rai ida ne. Tamba deit imi ami Povu liu-liu inan aman sira nebe kiak dificiente sira Sae foho tun Foho, Forma hbai loron ho hamlaha hodi ba Vota no hili imi tamba deit imi nia bosok, atu halakon kiak no mukit, maibe to ikus realidade halakon deit imi nain 65 nia kiak no mukit, laos Povu, Povu nafatin sopre ba imi nia diak. Favor ida husu Hanoin mos ami Gerasaun foun, no husu Hanorin ami no fo Exemplu nebe diak ba ami Gerasaun foun liu husi imi nia hahalok no imi nia Lideransa nebe diak no nakonu ho ispiritu Nasionalismo no Patriotismo. Obrigado.