Opozisaun Forte, Bainhira Dezenvolvimentu Lao

DILI - Tuir observasaun akademia husi Universidade Dili (UNDIL) katak bajeia ba realidade politika neebe akontese hatudu katak opojisaun forte iha parlamentu nasional konsidera governasaun ladura.

Lia fuan hiran nee hatoo husi Vise Retor-III Universidade Dili (UNDIL) Ander da Costa Belo ba STL iha nia servisu fatin Maskarinhas Dili Sesta, (22/9/2017). Nia hatutan, tuir lolos governu foun ida nee kompleta nia gabinete dala ida no simu pose dala ida. Realidade ida nee diferentes liu governasaun hirak liu ba.

“Ami akademiku nian hare tuir lolos karik kuandu hari gabinete hari dala ida halo tomada depose dala ida. Mais agora periode ida nee oinseluk. Balun simu ona balun sedauk nee signifika katak ita hare ba tanba governasaun ida nee hari ho kadeira minoria,” nia dehan.

Realidade seluk maka governu koligasaun ida nee minoria parlamentar. Governu ida nee komplikadu liu tanba kumpleta gabinete sedauk remata. Maibe esperansa ba iha semana oin sei halo kumpleta. Tanba nee maka husu ba partidu koligasaun Fretilion no PD atu halo negosiasaun diak ho partidu opojisaun atu apoiu governu.

Diretor Ezekutivu Fongtil Arsenio Pereira da Silva katak tuir lolos husu ba partidu politiku sira nebe iha koligasaun hari governu presija kumpleta lalais gabinete. Maibe kuandu dada bebeik tempu maka bainhira maka dezenvolvimentu lao ba oin.

Xefe Bankada CNRT iha Parlamentu Nasional (PN) Arao Noe de Jesus dehan katak partidu CNRT nudar partidu segundu mais votadu liu husi elisaun neebe povu fo fiar ba sira. Maibe sira promete ona ba publiku atu sai partidu opozisaun neebe konstrutivu no edukativu iha parlamentu nasional. 

Justinho Manuel | Suara Timor Lorosae