Husu Alkatiri-Xanana Atu Liberta Povu

DILI - Sosiedades Sivil sira husu ba lideransa tuan hanesan Xanana, Alkatiri, Taur Matan Ruak, no Jose Ramos Horta atu hamutuk nafatin, liberta povu no nasaun ida nee husi kiak no mukit no tau ses interese privadu no partidu.

Lia fuan hirak nee hatoo husi Diretor Ezekutivu Luta Hamutuk (LH) Jose da Costa Alves ba STL iha nia servisu fatin Farol Dili Kuarta, (18/10/2017). Nia dehan tan katak, nudar nasaun neebe indepedensia ona nia fuan maka demokrasia. Uluk iha funu naruk maun boot sira sempre hamutuk ho objetivu ida maka liberta patria no povu.

Tanba ita moos sedauk hatene katak parpol lahamutuk nee bazeia ba saida. Ida nee maka sai konkluzaun ba ita maibe iha posibilidade ita hakarak maka ita nia lideransa sira hamutuk oinsa maka atu kori povu ida nee ba moris diak,”nia kualia.

Tanba nee iha indepedensia ida nee lapresija atu hamosu diferensia ideias no idiolojia politika maibe dalan diak maka husu atu hamutuk atu lori povu nee sai husi kiak no mukit. Maibe parte husi sosiedades sivil moos sedauk indentifika lolos konaba lider sira lahamutuk nee tanba deit diferente idiolojia ka interese hanoin ida nee maka sai kestaun.

Observador Akademiku husi Universidade Timor Lorosae (UNTL) Camilo Ximenes dehan situasaun politik iha elisaun 2017 remata ona, agora problema maka rejultadu elisaun no  partidu neebe manan atu formasaun governu nee maka sai konplikadu. Tanba nee maka partidu lima neebe hetan asentu iha PN la aseita malu. 

Justinho Manuel | Suara Timor Lorosae