DILI
– Timor-Leste ukun-aan halo tinan sanulu-resin ona maibe komunidade sira
husi Suku Becira, Postu Administrativa Cristu-Rei kontinua halerik bee-mos.
Tuir
Secretario Suku Becora Adozindo Ribeiro Tilman, komunidade Becora husi Aldeia
Becusi no Aituri-Laran agora dadaun sei halerik hela bee-mos.
"Ami
husi Suku Becora komunidade barak sei halerik hela bee-mos, maske halo ona
proposta hatama ba governo maibe to agora seidauk hetan resposta husi parte
governo,’’ katak Adozindo ba STL iha Sede Suku Becora, Tersa (24/10/2017).
Preokupasaun
hanesan hatoo husi Elendio Martins katak, maski Timor-Leste ukun-aan tinan
barak ona maibe komunidade balu sei halerik nafatin bee-mos maibe nai-ulun sira
latai ba importansia sira buka mak hadau malu kadeira.
"Ami
husu ba nai-ulun sira keta hanoin hadau malu kadeira deit, maibe tau matan mos
ba povu kiik sira neebe agora balu hasoru hela problema kona-ba bee-mos no balu
kona-ba hahan uma laran. Tanba nee husu ba membru Parlamentu Nasional (PN) IV
lejislatura keta hanoi kadeira deit maibe hanoin mos povu nia moris,” katak Elendio.
Nunee
mos, Amandio Martins haktuir husi Aldeia Becuse laos foin dadauk mak halerik
bee-mos, kleur ona halerik bee-mos. Maibe, parte governu seidauk
rekoinese deit.
"Ami
husu ba nai-ulun sira iha kampana promete buat didiak deit maibe uainhira hetan
tiha kadeira buka hadau malu kadeira, haluhan tia promente sira,’’ hateten
Amandio.
Nia
hatutan, tuir lolos komunidade barak sei halerik bee-mos liuliu husi Kapital
Dili. Tanba nee presiza nai-ulun sira tau atensaun laos buka hadau malu kadeira
iha PN.
Estajiada-2
| Suara Timor Lorosae
Sem comentários:
Enviar um comentário