DILI,
(TATOLI) – Majór Jenerál FALINTIL-Forsa Defeza Timor-Leste (F-FDTL), Lere Anan
Timor, hateten povu labele hasai liafuan ne’ebé soran entre líder ida ho seluk
iha mídia sosiál hodi hamosu krize polítika foun ne’ebé destroi pás no
estabilidade.
ʺAmi
lakohi para ki’ik sira (povu) ba sunu ahi liuhusi facebook hodi hamanas nafatin
situasaunʺ, dehan nia ba
jornalista sira hafoin hasoru Prezidente Repúblika iha Palásiu Prezidensiál
Bairo-Pite, ohin.
Hodi
apela ba sidadaun tomak atu labele mete polítika ne’ebé líder sira halo maibé
túr hakmatek hodi fó apoiu ba pás no estabilidade.
Alende
ne’e, Lere Anan Timur mós apela ba lideransa istóriku sira, liliu Xanana Gusmão
atu túr hamutuk ho sira seluk atu rezolve situasaun polítika ne’e hodi evita
akontese krize polítika foun.
ʺEleisaun
rua liuba la’o hakmatek liu tiha ita nia ukun na’in sira maka hadau malu
kadeira”, tenik.
Ulun
boot F-FDTL ne’e husu ba lideransa sira ne’ebé oras ne’e asume kargu hanesan
deputadu no governu atu evita liafuan provokativu hodi kria instabilidade ba
povu.
Mesmu
ne’e, nia afirma, parte seguransa no defeza iha obrigasaun atu asegura pás no
estabilidade iha rai laran.
Jornalista:
Agapito dos Santos | Editora: Rita Almeida
Foto:
Majór Jenerál F-FDTL, Lere Anan Timur bainhira hasoru Prezidente Repúblika,
Francisco Guterres Lú Olo iha Palásiu Prezidensiál Nicolau Lobato Bairo Pite,
ohin. Foto mídia PR
Sem comentários:
Enviar um comentário