Líder
hosi Governu birmanés, Aung San Suu Kyi, alerta ona iha loron-kuarta ne'e katak
presaun ne'ebé maka ONU halo tanba krizi ema rohingya sira nian bele
"prejudika" regresu hosi refujiadu musulmanu sira hamutuk rihun resin
hosi Bangladexe.
Konsellu
Seguransa ONU nian apela ona iha loron-segunda ne'e ba Birmánia hodi trava nia
operasaun militar iha estadu Rakhine, rejiaun ne'ebé maka iha ema rohingya
sira, no permiti atu refujiadu rihun resin bele fila ba sira nia uma.
Deklarasaun
konjuntu ne'e "ignora faktu hosi problema sira ne'ebé maka Birmánia ho
Bangladexe hasoru ohin loron bele rezolve de'it ho dalan bilateral",
indika komunikadu ida hosi Governu.
Apelu
ne'e "prejudika tebes negosiasaun bilateral sira entre nasaun rua"
kona-ba regresu hosi refujiadu sira, hatutan.
Ema
musulmanu rohingya sira hamutuk rihun 900 resin hosi Birmánia moris iha kondisaun
aat iha akampamentu sira iha súl Bangladexe nian. ONU klasifika hanesan
"limpeza étnika ida" kona-ba migrasaun hosi ema rihun 600 resin dezde
fulan-Agostu nia rohan.
Iha
nia deklarasaun sira, membru hamutuk 15 hosi Konsellu Seguransa, inklui Pekin,
hatudu sira nia "preokupasaun maka'as" hasoru violasaun sira direitu
ema nian, "inklui sira ne'ebé maka halo hosi forsa seguransa sira Birmánia
nian", no husu atu responsável sira tenki hatán iha justisa. Violasaun
sira ne'e inklui mate, abuzu seksual sira no sunu ema rohingya sira nia uma no
sasán.
SAPO
TL ho Lusa
Sem comentários:
Enviar um comentário