Líder
hosi misaun observador sira hosi Komunidade Nasaun sira Lian Portugeza (CPLP)
nian iha autártika ho lejislativu iha Guiné Ekuatorial hatete iha loron-sesta
ne'e katak hein "partisipasaun maka'as" no atu eleisaun sira la'o ho
"justu no livre".
"Ami
hein katak iha partisipasaun maka'as ida hosi ema sira no ami fiar katak sei
hanesan eleisaun justu ida, livre ho partisipadu", afirma hosi Jorge
Borges, diplomata no antigu ministru kabu-verdianu, ba Lusa, hafoin audiénsia
ida ho Prezidente ekuato-guiniense, Teodoro Obiang Nguema, ne'ebé maka
"uza liafuan ruma iha lian portugeza".
Guiné
Ekuatorial hanesan membru foun hosi CPLP, adere iha tinan 2014 ho promesa atu
hanorin portugés no hakotu ho kastigu mate nian iha nasaun.
Jorge
Borges esplika ona katak misaun hosi observador eleitoral sira aumenta ho
embaixador sira hosi nasaun sira lian portugeza nian iha nasaun no sei fahe ba
fatin oioin iha nasaun.
"Ami
nia knaar maka akompaña" asaun eleitoral, afirma hosi diplomata no hatutan
katak misaun sei labele halo knaar fiskalizasaun ida hosi prosedimentu sira
nian.
Pierre
Damien Habumuremyi, antigu primeiru-ministru hosi Ruanda ne'ebé lidera misaun
observasaun hosi Uniaun Afrikanu, afirma ona ba jornalista sira katak objetivu
hosi ekipa maka "akompaña no ajuda iha prosesu eleitoral".
Pierre
Damien Habumuremyi promete lori "solidariedade afrikanu iha akompañamentu
hosi eleisaun sira", felisita realizasaun regular hosi eleisaun sira iha
nasaun ne'ebé maka lidera hosi Teodoro Obiang Nguema Mbasogo dezde tinan 1979.
CPLP
prepara ona hodi iha ekipa tolu iha rai laran, ho membru sira hosi
nasaun-membru tomak, no Uniaun Afrikanu sei iha grupu akompañamentu hamutuk 11
hodi ba iha rejiaun eleitoral hitu iha nasaun.
Ekipa
observador sira sei fahe ba fatin oioin iha nasaun, hahú iha Mongomo, iha
fronteira ho Kamaraun, to'o illa Ano Bom, iha súl hosi São Tomé & Prínsipe.
Eleisaun
lejislativu ho autárkika sira sei hili responsável lokal sira no deputadu sira
hosi Kámara Deputadu sira no Senadu sira.
Rejimi
maka prezidensialista, parlamentu iha kbiit lejislativu, primeiru-ministru
nomeia diretu hosi Prezidente.
Opozisaun
kesar nafatin kona-ba falta liberdade polítika no espresaun nian, krítika ida
ne'ebé maka halo mós hosi organizasaun la'ós governamentu oioin.
SAPO
TL ho Lusa
Sem comentários:
Enviar um comentário