DILI,
(TATOLI) – Assosiasaun halibur defisiensia matan Timor-Leste husu ba líder
nasionál sira atu unidade hodi dezenvolve Nasaun ba povu nia moris di’ak.
Portavoz
Assosiasaun, Gaspar Afonso, hato’o preokupasaun ne’e ba Prezidente Repúblika,
Francisco Guterres Lú Olo, iha Palásiu Prezidensiál Nicolau Lobato Bairo-Pite,
ohin.
ʺHo
situasaun agora, ami defisiente mós hakarak fó hanoin ba nai-ulun sira atu fó
liman ba malu hodi lori povu ida ne’e ba moris di’ak, tanba rai ne’e presiza
ema hotu nia kontribuisaunʺ,
dehan nia ba jornalista sira hafoin enkontru ho Xefe Estadu.
Gaspar
kontente ho resposta hosi enkontru tanba Prezidente Repúblika promete sei uza
kompeténsia tuir lei inan hodi hato’o ba líder nasionál no órgaun Estadu seluk
atu konsidera.
Oportunidade
ne’e sira mós husu atu oinsá governu bele ratifika konvensaun internasionál
ne’ebé hakerek kona-ba direitu ema ho defisiensia.
Tuir
sira, ezekutivu presiza ratifika konvensaun ne’e tanba konstituisaun artigu 21
(sidadaun ne’ebé iha defisiénsia). Alinea 1) Sidadaun ne’ebé iha defisiénsia
fíziku eh mentál iha direitu no mós obrigasaun hanesan sidadaun sira seluk,
maibé sira sei la hala’o knaar hirak ne’ebé sira labele hala’o tanba de’it
sira-nia defisiénsia.
Alinea
2) Estadu, bainhira bele, promove protesaun ba sidadaun sira-ne’ebé iha
defisiénsia, tuir lei haruka.
Governu
durnate ne’e fó ona subsidiu ba ema ho defisiente matan kada fulan simu dollar
30, katak Gaspar.
Jornalista:
Agapito dos Santos | Editora: Rita Almeida
Foto:
Assosiasaun defisiente matan bainhira hasai retratu ho Prezidente Repúblika,
Francisco Guterres Lú Olo iha Palásiu Prezidensiál Nicolau Lobato Bairo Pite,
ohin. Foto mídia PR
Sem comentários:
Enviar um comentário