Xina
ho Rúsia felisita ona, iha loron-kuarta ne'e, vontade ne'ebé hatudu hosi
Estadus Unidus hodi rezolve krizi ho Koreia-Norte liuhosi dalan diplomátiki,
hafoin deklarasaun sira hosi sekretáriu Estadu norte-amerikanu kona-ba asuntu
ne'e.
"Ami
hein katak Estadus Unidus no Koreia-Norte serbisu iha diresaun hanesan, foti
hakat sira hodi hanoin iha diálogu no bele hahú kontaktu", afirma hosi
porta-vós hosi Ministériu Negósiu Estranjeiru xinés, Lu Kang, iha konferénsia
imprensa ida iha Pekin.
Xefe
diplomasia norte-amerikanu, Rex Tillerson, hatete iha loron-tersa katak Estadus
Unidus "sei aumenta presaun to'o Koreia-Norte kompromete ho dalan
signifikativu" iha diálogu ida kona-ba nia programa nuklear no afirma
katak asaun militar ida "la'ós hanesan dalan ne'ebé maka sira hakarak
hili".
Tillerson
konsidera ona katak opsaun hosi asaun militar, bainhira hotu ona solusaun
diplomátiku tomak, sei sai hanesan "falla" pesoal.
"Ami
bele haree katak deklarasaun konstrutivu sira ne'e hanesan di'ak tebes duké
retórika hosi konfrontu ne'ebé ami rona to'o agora", Dmitri Peskov,
porta-vós hosi Kremlin, hatete ba jornalista sira.
Rúsia
ho Xina defende beibeik diálogu ida ho Pyongyang no bolu atensaun ba asaun
ne'ebé hanesan kontraprodutivu hosi ameasa sira ne'ebé halo hosi prezidente
Estadus Unidus nian, Donald Trump, hodi "estraga kompletu"
Koreia-Norte bainhira hetan atake hosi parte rejimi Kim Jong-un nian.
Tiru
oioin hosi misil sira ne'ebé Koreia-Norte halo no reasaun hosi Estadus Unidus
nian aumenta nafatin tensaun iha península koreanu no iha rejiaun ba nível
inéditu sira dezde funu Koreia nian rohan (1950-1953).
SAPO
TL ho Lusa
Sem comentários:
Enviar um comentário