Fretilin Prontu Simu Desizaun Husi PR

DILI - Partidu istoriku Fretilin prontu ona atu simu desizaun sa ida deit, husi Prezidente Republika Francisco Guterres Lú Olo. 

Xefi bankada Fretilin Francisco Miranda Branco hateten, Politikamente partidu neebe deit bele hasai estetimentu oin-oin, maibe Prezidente sei lahetan influensia husi se deit, tanba nia laos Prezidente husi partidu ida, nia Prezidente ba povu no nasaun tomak.

“Prezidente Republika sei sukat situasaun tomak pais ninian hodi ikus mai deside, tanba nee ami Fretilin prontu atu simu desizaun saida deit husi Prezidente Republika, mais ami hanoin katak dalan diak liu Eleisaun antisipada,” dehan deputadu Branco ba STL, iha PN, Dili Tersa (09/02/2018).

Deputadu Branco hateten, Tanba hare deit partidu sira hetan votus tuir desizaun povu nian, prosesu demokratiku fo votus ba parpol atu mai tur iha Parlamentu Nasional, maibe tur tiha iha PN dehan fali buat neebe kolia iha kampania nee buat seluk ida, agora nee buat seluk ida lalos.

Iha fatin hanesan Xefi bankada PLP deputadu Fidelis Magalhaes hateten, Governu Unidade Nasional, inkluzaun, EA hanesan Taur dehan katak, politika nee rejolvidu tiha ona maka hodi kria aliansa maioria parlamentar nee.

Entretantu membru ONG Ajar Inocensio Xavier hateten, Se oposizaun laegois fo oportunidade ba Governu minoritariu nia ukun, sira sei halo servisu ida neebe maka mais efektivu, efikas ba hotu hotu neebe maka iha. 

Carme Ximenes/Maria Lay | Suara Timor Lorosae