Governu Atu Aprezenta Programa, AMP Hatama Uluk Mosaun Sensura

DILI – Programa VII Governu Konstituisional preparadu dadus kompletu hotu ona, hein atu lori ba aprezenta iha Parlamentu Nasional, maibe Aliansa Maioria Parlamentar (AMP) hatama uluk mosaun sensura hodi hatun Governu.

Ministru Prezidensia Konsellu Ministru Adriano do Nascimento hateten, governu atu hatama programa, AMP sira maka dehan programa nee tenke hadia lai, tanba laiha dadus, lasistimatiku, laiha data beis,  tarevas, laiha metas,  maske buat sira nee iha, sira balu lale tan programa nee entaun tenke hadi.

“Ami hateten ba Parlamentu Nasional governu sei halibur dadus neebe presiza tempu, depois dehan sira dehan 31 nee imi nia tempu hotu ona, ami dehan lae, ami nia programa preparadu ona dadus kompletu ona, ami atu aprezenta, mais sira mai ho mosaun sensura, buat neebe komplikadu,” dehan Ministru PCM Adriano ba STL, iha ninia servisu fatin, Palasiu governu, Segunda (15/01/2018).

Tanba nee tuir Ministru PCM Adriano katak, agora governu tenke rejolve buat rua, programa maka ba uluk ka mosaun sensura maka ba uluk, orsida ezijensia dehan mosaun sesnura tenke uluk, neebe dia 31 deside ona mos dehan labele dehan tenke iha tempu badak, entaun oinsa maka sira maka lakoi diskuti  ona programa.

Iha parte ketak Xefi Bankada PLP Fidelis Magalhaes hateten, AMP nia hanoin maka nee debate mosaun sensura sedu liu diak liu, tanba presiza diskuti programa du governu. 

Carme Ximenes/Maria Lay | Suara Timor Lorosae