DILI,
(TATOLI) - Ministru Obras Públikas, Salvador Soares Dos Reis Pires, informa
previzaun reseita prepagu EDTL 2017 ho montante US$ 27 millions, maibé seidauk
bele atinje, no hetan de’it US$ 13.750.000.000,
enkuantu iha tinan 2018 hahú husi fulan Janeiru to’o Jullu, konsege kobre
reseita US$
18.337.000.000.
Ho
ida ne’e, atu aumenta reseita liuhosi prepagu Eletrisidade de Timor-Leste
(EDTL), Ministériu Obras Públika (MOP) iha planu instala Automatic Meter
Reading (AMR).
Vantajen
bainhira uza AMR mak, fasil identifika koneksaun ilegál hodi hola asaun
imediata. Se kompara ho sistema prepagu ida agora, kuandu klientes la hola
pulsa liu fulan tolu mak foin ita deteta, katak uma kain ne’e la sosa pulsa,
nune’e efetivu liu Automatic Meter Reading.
“Sistema
ne’e di’ak tanba ita kria dashboard ida iha EDTL ne’ebá no bainhira iha by pass
ita deteta kedan diretamente”, Salvador Soares Dos Reis Pires esplika iha
audiénsia públika ho Komisaun E hodi halo apresiasaun ba Orsamentu Jerál Estadu
(OJE) 2018, iha plenária, foin lalais ne’e.
Nia
informa tan katak agora daudauk klientes EDTL iha 150.000, maibé 120.000
klientes mak hetan instalasaun ona prepagu, 30.000 klientes seidauk hetan
instalasaun prepagu.
Jornalista:
Julia Chatarina | Editór: Manuel Pinto
Imajen:
Ministru Obras Públika, Salvador Soares dos Reis Pires. Imajen Media MOP
Sem comentários:
Enviar um comentário