DILI, (TATOLI) – Governu
liuhosi Ministériu Saúde alerta ba públiku eh pasiente sira atu labele fiar ai
moruk herbal ne’ebé daudaun ne’e fa’an iha fatin hothotu.
“Ai moruk herbal só halakon
sintoma moras maibé liu ida ne’e komesa moras fila fali, tanba ne’e
labele fiar,” Vise-Ministru Saúde, Bonifácio Maukoli dos Reis informa ba
Ajénsia Tatoli, ohin iha uma fukun.
Nia husu ba públiku tomak, kuandu
moras ona tenke hakat ba sentru saúde ne’ebé besik hodi hetan konsulta hosi
médiku espesialista.
“Sira ne’ebé fa’an ai moruk
herbal ne’e la’ós médiku atu hatene ema moras hodi bele kurativa ho ai moruk,
so médiku de’it mak bele fó reseita,“ nia enkoraja.
Tanba ne’e, governu iha polítika
atu halo intervensaun ai moruk herbal ne’ebé fa’an iha farmásia. Liu-liu tenke
obedese ba padraun ne’ebé define hosi Ministériu Saúde.
Enkuantu, Ministériu Saúde iha
Departamentu ida kona-ba diresaun nasionál farmásia atu haree kona-ba lisensa
klínika ne’ebé fa’an ai moruk herbal.
Parte seluk, Doutora Luduvina da
Cruz iha Ospitál Nasionál Guido Valadares (ONGV) ne’ebé hato’o kazu ida liuhosi facebook katak
ospitál simu diabetic foot ka kaki diabetes eh ain kanek ho
komplikasaun durante fulan rua ona, pasiente fó esperansa ba ai moruk herbal
ne’e hodi bele kura, maibé realidade la di’ak piór liu tan aumenta komplikasaun
no ikus mai halo amputasaun.
“Ami nafatin tau atensaun ba
asuntu ne’e tanba pasiente sira nia saúde mak sai ami nia preokupasaun,” Dra
ne’e deklara
Jornalistas: Zezito Silva | Editór:
Manuel Pinto
Sem comentários:
Enviar um comentário