DILI – Reprezentante povu iha uma
fukun Parlamentu Nasional husu ba governu atu halo redusaun ba deve publiku
neebe halo husi governu TL, karik la halo redusaun maka sei fo todan ba estadu
TL iha futuru.
Preokupasaun nee hatoo husi
Deputadu Adriano do Nascimento, liu husi sesaun debate orsamentu jeral do
estadu iha Parlamentu Nasional, Kuarta (05/09/2018).
“Hau hanoin ho orsamentu neebe
iha governu tenke selu dadauk ona tusan balun atu nunee, ba oin ita bele
dezenvolve fali area seluk, selae maka ita sei la sai husi tusan, governu ida
sae, governu ida tun, tusan nafatin hela deit, no tusan sira nee mos sei fo
todan ba estadu TL iha futuru aban bain rua,”informa Deputadu Adriano.
Nia afirma liu tan, tusan neebe
maka governu halo ona nee, hahu husi tinan 2013 nia laran maibe too 2018
ona mos tusan sira nee kontinua naba-naba hela deit.
Iha fatin hanesan Deputadu
Mariano Asanami mos hatutan, haree ba tusan neebe maka durante nee governu halo
ona nee kontinua aumenta ba bebeik, tanba nee liu husi orsamentu jeral do
estadu governu bele atende hotu tiha problema tusan nee.
Notisia kompletu lee iha jornal
STL edisaun Kinta (06092018)
Madalena Horta | Suara Timor
Lorosae
Sem comentários:
Enviar um comentário