BAUCAU, (TATOLI) - Eskola Téknika
Informátiva Baucau (ETI-Baucau), liliu estudante 11 ano Kursu Jestaun Linguajen
Programasaun no Jestaun Ekipamentu Informátiku ho koordenasaun husi profesór
língua portugeza, Mario da Costa Marçal realiza vizita guiada téknika ba GCMF
(Grupo Cooperativa Matadalan Foinsa’e) promove ideia inovativa hodi estimula
liutan komprensaun estudante sira nian ba língua portugueza no persebe liutan
realidade konteúdu ensinu portugés prátiku liutan.
Depois estudante turma rua
aprende “Kriasaun Artístika” durante prosesu aprendizajen. ” Objetivu husi
vizita ne’e mak lori estudante sira ba realidade hodi komprende saida mak iha
livru portugés nia laran hodi nune’e ensinu pedagójiku iha vantajen ba alunu
sira hatene lalais kona-ba konteúdu aula nian,” informa profesór Mario Marçal
ba Ajénsia TATOLI, husi postu administrativu Baucau vila, Munisípiu Baucau,
ohin.
Profesór ETI-Baucau ne’e informa
mós katak vizita ne’e hafoin vizita guiada téknika ne’e, estudante sira tenke
hato’o ka relata fila fali esperiénsia sira ne’ebé mak durante sira hetan iha
vizita ne’e iha formatu video, ho ko’alia portugés no depois tau iha Youtube
tanba estudante sira ne’e estudante área informátika.
“Rezultadu ne’ebé mak profesór
espera mak estudante sira bele expresa sira-nia ideia hanesan expresaun orál
hodi ko’alia sira-nia ideia hotu iha portugés no iha tempu hanesan utiliza
teknolojia hodi divulga sira-nia rezultadu vizita,” akresenta profesór Mario da Costa Marçal.
Entretantu, vizita guiada téknika
ne’e hala’o durante loron rua, iha loron 4 no 6 outubru ho estudante 11
anos, turma rua ketaketak.
Jornalista: Rafy belo - Editór:
Manuel Pinto
Imajen: Estudante ETI-Baucau
durante vizita guiada téknika. Foto: Mario Marçal
Sem comentários:
Enviar um comentário