Fundu Monetariu Internasional
(FMI) hare fali previzaun ne'ebé ass ba ekonomia timoroan nian no antesipa
katak Produtu Intrnu Brutu (PIB) laos-petroliferu bele sa'e 0,8% iha tinan ne'e.
Fundu ne'e hare katak kontas sira
tinan 2017 nian kiik, bainhira ekonomia tun ba 4,6%.
Iha "Regional Economic
Outlook" ba Azia no Pasifiku - relatoriu ida hosi sira barak ne'ebé maka
divulga hosi FMI iha fulan ne'e - instituisaun ne'e hatudu katak otimista liu
ho komportamentu iha tinan 2019, bainhira prevé kresimentu ida 5%.
Iha relatoriu fulan Abril nian
FMI determina katak ekonomia iha tinan kotuk tuun ba 4,1%, no agora agrava tan
pontu lima persentual, ba -4,6, no tinan 2018 iha fali previzaun di'ak ne'ebé
maka ho diminuisaun 2% ba fali aumentu 0,8%.
Inflasaun, indikador seluk ne'ebé
maka mensiona iha testu, 0,6% iha tinan 2017, kiik liu hosi media nasaun
emerjente sira Azia nian (ne'e maka 3%de'it), tenki sa'e fali ba 1,8% iha tinan
ne'e no 2,7% iha tinan 2019.
Relatoriu seluk fulan Outubru
nian ne'ebé maka monitoriza maka 'saude' finansas publikas nian, FMI hatete
katak saldu jeral Estadu nian iha tinan kotuk maka - 19,5% hosi PIB (boot liu
dala hat hosi mediahosi grupu sira nasaun produtor petroleu nian).
Valor ne'ebé maka hosi -3,5% iha
tinan 2016, tenki tuun ba 17,1% iha tinan ne'e - ho investimentu Estadu nian
ne'ebé permanese kiik - no sei sa'e fali ba -27,8% iha tinan 2019.
Timor-Leste agrupadu entre nasaun
33 produtor petroleu nian no hitu ne'ebé konsidera hanesan "produtor
petroleu ho rendimentu ne'ebé kiik", liu-liu Kameroun,Kongu, Kosta do Marfim,
Iémen, Nijéria no Papua Nova Guiné.
Reseita sira laos petrolifera
koresponde besik 1/3 hosi PIB nian, valor ne'ebé liu hosi triplu media entre
nasaun sira produtor petroleu nian.
SAPO TL ho Lusa
Sem comentários:
Enviar um comentário