Koremetan Kultura Kaes Metan Padeai

OECUSSE - Liafuan  kaes  metan nee, ninia  siqnifikante, katak,  tanba  uluk  avo sira  lao rai, husi rai seluk, hodi hela iha Ambenu Oecusse, tanba nee, antes halao koremetan ba matebian Abel  Asqueli, familia sira sei hamutuk, hodi halao preparasaun, halo tenda  ba bainaka sira atu tur, tenda ba tein, inklui halo hadak, neebe atu atu  nan no bikan, bainhira oho hotu animal hanesan bibi, fahi no karau, sei hasae hotu ba iha hadak neebe mak prepara tiha ona, maibe bainhira atu koa ba tein, nan sira nee foin hatun iha hadak refere.

Ida nee mak kultura iha Padeai Suku hat mak hanesan, suku Cunha, Lalisuk, Costa ho Lifau, suku hat nee, maibe iha suku cunha, lia nain iha aldeia hat, mak  hanesan, cunha, curin, serar,romir,  bainhira halao koremetan, sempre halo bidu, tanba nee, kalan ida sei halo bidu, hodi hader  aifunan, maibe iha bidu nee, familia sira sei la han, tanba hemu deit tua no nan sira neebe mak prepara  tiha ona, maibe antes kalan hader aifunan, familia, no bainaka sira han uluk tiha ona, atu nunee, kalan nee, hein hader deit aifunan, hodi hein halo vidu, tanba vidu nee sei partisipa husi feto faluk, oan kiak, maun alin, no familia husi matebian rasik, depois sei lori aifunan ba rate, antes sai  husi uma, sei prepara uluk, ropa neebe mak atu hatais iha rate, hafoin hasai matebian nia metan iha rate, maibe sai  husi ema, nain hat neebe mak lori metan durante tinan ida nee, lao tenke tuir malu la koalia too tama iha rate, too iha rai sei hasai metan neebe mak oan kiak, bin alin sira, lori durante tinan ida nee, sei hasai iha matebian Abel Asqueli nia rate.

Matebian Abel Asqueli, durante tinan ida ona, ba mundu seluk, husik hela ninia fen kaben  Francisca Correia, no oan nain tolu, mak hanesan, Maria Domingas Asqueli, Cristina Asqueli, Quiterio Asqueli, inklui  maun alin nain lima, feto rua mane tolu, matebain Abel Asqueli, hanesan   oan ba dala rua, husi maun alin nain nen, matebian  Abel Asqueli moris  ihan Oecusse, iha  loron  31 fulan  dezembru, tinan 1951, oan husi  matebian Joao Asqueli no  Clara  Mesquita, no matebian   hakotu nia is, ho idade (66),  iha loron 12 Setembru 2017, iha hospital referal Ambenu Oecusse. Tanba nee, husi faluk, oan kiak, maun alin nain lima, mak hanesan Paul Asqueli, Abilio Asqueli, Domingas Asqueli, Judita Asqueli, no ikus liu Felizmino Asqueli, inklui familia boot Asqueli, Correia no Mesquita, hatoo deit mensajen ikus, ba ninia kaben, ou ba sira nia apa, avo, maun ou alin,   matebian Abel Asqueli katak, laiha liafuan seluk atu hatoo, se lain husi adeus….adeus….adeus…adeus deskansa iha em paz iha renu lalehan. 

Notisia kompletu lee iha jornal STL edisaun Tersa (30/10/2018)

Jacinta Sequeira | Suara Timor Lorosae