DILI, (TATOLI) - Ekipa hosi Core
Group Transparency Timor–Leste (CGT-TL) husu ba Primeiru Ministru Taur
Matan Ruak atu fó oportunidade ba ema ho defisiénsia, liu-liu asesu ba
fasilidade estadu, inklui prosesu foti desizaun tenke rona mós sira (Ema ho
Defisiénsia) nian lian.
“Fó oportunidade ba ema ho
defisiénsia atu bele asesu ba fasilidade estadu nian nó mós bele iha lian iha
parte foti desizaun, nune’e dezenvolvimentu Timor-Leste ne’e la’ós ba grupu ida
de’it maibé ba povu Timor-Leste tomak,” reprezentante CGT-TL, Juvenál Dias ba
jornalista sira iha Palásiu Governu, ohin.
CGT-TL mós husu ba governu atu
halo dezenvolvimentu tenke bazeia ba transparénsia, liu-liu projetu boot
sira ne’ebé governu planeia atu halo.
Importante mós tuir organizasaun
sosiedade sivíl ne’e mak, involve povu, iha prosesu foti desizaun, hanesan halo
lei ou implementa programa governu.
Jornalista: Julia Chatarina | Editór:
Manuel Pinto
Imajen: Analista hosi Core Group
Transparency Timor-Leste (CGT-TL), Juvinal Dias bainhira dada lia ho jornalista
sira iha Palasiu Governu, ohin. Imajen: Egas Cristovão
Sem comentários:
Enviar um comentário