Portugal repete apoiu jurídiku hodi Guiné Ekuatorial halakon kastigu mate nian

Governu portugés asegura ona, iha loron-segunda, katak Portugal "repete iha okaziaun oioin nia disponibilidade" hodi garanti apoiu jurídiku ne'ebé Guiné Ekuatorial presiza hodi "halakon kastigu mate nian iha nia ordenamentu jurídiku".

Posizaun ne'e hatudu hodi Ministériu Negósiu Estranjeiru portugés bainhira hatán ba Lusa kona-ba krítika sira ne'ebé halo hosi Guiné Ekuatorial ba Portugal.

Iha loron-segunda ne'e, iha komunikadu, misaun ekuato-guiniense iha Komunidade hosi Nasaun sira Lian Portugeza (CPLP) nian alega ona katak "hein apoiu tékniku" ne'ebé husu ba Portugal durante tinan tolu nia laran hodi hetan alternativu jurídiku posível sira kontra kastigu mate nian maibé laiha resposta.

Hatán ba Lusa kona-ba apoiu ne'ebé solisitadu, Ministériu Negósiu Estranjeiru portugés hatán katak "Portugal repete iha okaziaun oioin nia disponibilidade hodi garanti apoiu jurídiku ne'ebé Guiné Ekuatorial presiza hodi halakon kastigu mate nian iha nia ordenamentu jurídiku".

Iha komunikadu hanesan, Guiné Ekuatorial hatete katak "halakon kastigu mate iha nasaun haneesan faktu ida" no ne'ebé sei la aplika fali, maibé alternativu jurídiku sira "hanesan susar tebes hodi hetan".

Komunikadu mosu hafoin governante sira ho eis-governante sira hosi nasaun oioin CPLP nian, entre sira maka Portugal, Angola, Cabo Verde ho Timor-Leste, ko'alia kona-ba permanénsia Guiné Ekuatorial nian iha CPLP, hodi fó hanoin katak nasaun ne'e seidauk halakon kastigu mate nian.

Iha nota hanesan, Guiné Ekuatorial konsidera katak akompaña ba integrasaun nasaun nian ne'ebé promete iha simeira Díli nian "seidauk hotu" nune'e "la hanesan honestu no la lejítimu aprezenta ultimatu sira ba partisipasaun hosi Estadu-membru ida hosi plenu direitu iha simeira sira" CPLP nian.

Kona-ba akompañamentu hosi integrasaun, Ministériu Negósiu Estranjeiru portugés hatán ba Lusa katak Portugal "apoia nafatin" Guiné Ekuatorial iha "promosaun ba ensinu portugés nian".

Antigu kolónia española, lidera hosi ditador Teodoro Obiang dezde 1979, Guiné Ekuatorial adere ona ba CPLP iha tinan 2014 iha roteiru ida adezaun nian ne'ebé inklui kompromisu sira hodi promove no divulga lian portugeza no halakon definitivu kastigu mate ne'ebé maka seidauk akontese maski halo ona moratória ida.

Iha semana ida resin liubá, ministru Negósiu Estranjeiru portugés nian, Augusto Santos Silva, repete fali katak moratória ne'e suspende hela aplikasaun ba kastigu mate nian maibé bainhira Guiné Ekuatorial admiti iha Komunidade sira hosi Nasaun sira Lian Portugeza nian, kompromisu maka halakon kastigu mate nian hosi nia ordenamentu jurídiku.

Lusa | SAPO TL