Primeiru-ministru admiti ona iha
loron-kinta ne'e "susar maka'as" hosi autoridade sira nasaun nian
hodi kontrola entrada ilegal sira iha fronteira sira, hatudu reforsu ida hosi
patrulla sira ho postu kontrolu sira hodi hamenus risku sira transmisaun hosi
COVID-19 nian.
Taur Matan Ruak, ne'ebé ko'alia
iha Parlamentu Nasional durante debate kona-ba renovasaun hosi estadu
emerjénsia tanba pandemia COVID-19, hatete ona katak, tanba razaun ne'e,
Governu instala hela tan postu ualu hosi kontrolu fronteira nian, iha fronteira
prinsipal illa nian ho mós iha enklave Oecusse.
Natureza hosi moris hosi
populasaun sira transfronteira nian - ne'ebé hanesan "normal"
atravesa fronteira tanba relasaun ekonómiku sira ho familiar sira - sai hanesan
dezafiu "komplikadu liu" ba Governu, nia esplika.
"Hanesan la posível evita
totalmente pasajen sira maibé ami serbisu hela hodi hametin kontrolu hosi
fronteira sira", nia afirma.
"Iha situasaun ida hanesan
ne'e, ita tenki foti medida sira ne'ebé koresponde ba nível risku nian. Ita
tenki foti medida maka'as sira. Situasaun hosi COVID-19 nian hanesan dezafiu ba
ema tomak, laiha nasaun ida iha mundu maka preparadu no Timor la'ós hanesan
esepsaun", nia hatete.
Xefe Governu ko'alia iha sesaun
estraordináriu ida hosi plenáriu Parlamentu Nasional nian ne'ebé debate pedidu
autorizasaun hosi Prezidente Repúblika hodi dekreta períudu dalima durante
loron 30 ba estadu emerjénsia, medida ne'ebé nia defende ona tanba
proliferasaun hosi kazu sira iha nasaun viziñu sira no hodi hamenus risku
kontájiu nian.
Transversal ba debate iha
preokupasaun hos deputadu sira, hosi opozisaun no mós Governu, relasionadu ho
ezekusaun ki'ik hosi Fundu COVID-19 ne'ebé kria hosi Governu hodi hatán ba
pandemia.
Fundu COVID-19 iha ona injesaun
osan dala rua, autoriza hosi Parlamentu Nasional ho urjénsia (ho pedidu hosi
ezekutivu), ho valor total ida dolar millaun 220.
To'o ohin loron no dezde nia
kriasaun iha Abril, Governu uza de'it 56,8% hosi folin ne'e, haktuir hosi
informasaun sira ne'ebé atualiza iha Portal Transparénsia ne'ebé jere hosi
Ministériu Finansa.
Roberto da Silva, visi-prezidente
parlamentu nian ho deputadu hosi Kmanek Haburas Unidade Nacional Timor Oan
(KHUNTO) – partidu ida hosi partidu tolu iha ezekutivu -, husu ona atensaun
máxima Governu nian ba kestaun ne'e hodi nota katak populasaun timoroan
"terus hela ho efeitu sira hosi pandemia".
"Parlamentu autoriza ona
Governu hodi ezekuta, tansá maka Governu la ezekuta? Tansá maka ezekusaun
hanesan ki'ik tebes?", nia kestiona.
"Governu tenki hatán ba
nesesidade báziku sira povu nian. Tenki ezekuta 100%", nia hatutan.
Pontu ne'ebé hato'o mós hosi
Fernanda Lay, hosi Congresso Nacional da Reconstrução Timorense (CNRT), iha
opozisaun, ne'ebé kritika ona Governu hodi la fahe regularmente informasaun
kona-ba gastu sira ho pandemia.
Lay kritika mós ezekusaun ki'ik
hosi fundu, "maski ho pedidu urjénsia nian" ne'ebé Governu halo.
Taur Matan Ruak admiti ona susar
hosi Governu, hodi konsidera katak servisu ezekutivu nian "laiha sentidu
bainhira la konsege problema sira ne'ebé afeta nasaun ho povu".
"Ami halo hela esforsu tomak
hodi hadi'a buat hotu iha ita nia instituisaun sira", nia hatete.
Períudu foun estadu emerjénsia
nian durante loron 30 nia laran hahú loron 05 Setembru.
Timor-Leste agora daudaun iha
kazu ativu rua ba COVID-19 nian, ho pasiente na'in 25 rekupera ona dezde hahú
pandemia.
Pandemia koronavírus ne'ebé
provoka COVID-19 halo ona pelumenus ema na'in 863.679 mate no infeta ona ema
millaun 26 resin iha nasaun ho teritóriu hamutuk 196, haktuir hosi balansu
ne'ebé halo hosi ajénsia notísia France-Presse (AFP).
A pandemia do coronavírus que
provoca a COVID-19 já fez pelo menos 863.679 mortos e infetou mais de 26
milhões de pessoas em 196 países e territórios, segundo um balanço feito pela
agência de notícias France-Presse (AFP).
Sapo TL | Lusa
Sem comentários:
Enviar um comentário