Líder Fretilin nian, partidu
boot, hatete ona katak defende projetu gazodutu hosi posu sira Greater Sunrise
nian ba Timor-Leste, bainhira hanesan viável, maibé bainhira hanesan kontráriu
líder sira nasaun nian tenki hanesan klaru ho sosiedade.
"Ami la'ós kontra gazodutu.
Ami hanesan garanti ba povu katak ami hakarak ekonomia sustentável ida no atu
setor petrolífer kontribui ho di'ak", afirma hosi Mari Alkatiri,
sekretáriu-jeral hosi Frente Revolucionária do Timor-Leste Independente (Fretilin),
iha entrevista ba Lusa.
"Ami la muda liña. Ami
hakarak atu bele prova katak liña ne'ebé nasaun diresiona hela hanesan ida
ne'ebé viável liu ho benéfiku ba nasaun. Laiha ema ida maka halakon opsaun ida.
Liuliu opsaun hodi lori gazodutu ba Timor-Leste, maibé tenki hanesan
viável", nia konsidera.
Hatán kona-ba kari pozisaun ne'e
hatudu hosi partidu rua seluk iha Governu - Partidu Libertasaun Popular (PLP),
hosi primeiru-ministru Taur Matan Ruak, ho Kmanek Haburas Unidade Nacional
Timor Oan (KHUNTO) – Alkatiri hatete katak "pozisaun Fretilin hanesan hosi
Fretilin".
"Governu nia pozisaun agora
asumi ona, no mudansa boot sira hala'o hela iha setor petróleu nian", nia
afirma hodi rekorda katak lidera foun hosi setor, iha Governu, iha petrolífera
ho regulador - Autoridade Nasional ba Petróleu ho Mineral nian (ANPM) - iha
kargu fulan rua resin.
"Sira seluk iha kargu tinan
12 no la produz séntimu ida ba rai laran. Halo de'it despeza", nia akuza.
Mari Alkatiri ko'alia ba Lusa iha
sekuénsia hosi troka krítika sira entre ekipa atual ne'ebé lidera setor
petrolíferu timoroan ho Francisco Monteiro, eis-prezidente petrolíferu
nasional, Timor Gap, ne'ebé demiti iha Jullu.
"Fretilin hanesan partidu
dahuluk ne'ebé defende gazodutu hosi Greater Sunrise ba Timor. Maibé ekonomia
iha nia regra sira no hodi hahú tenki iha estudu sira viabilidade nian. No ha'u
seidauk haree buat ida, ha'u la haree estudu ruma ne'ebé maka konvense
ha'u", afirma hosi Mari Alkatiri.
Kona-ba krítika sira hosi
eis-prezidente Petrolíferu, Alkatiri rekomenda atu "labele kahur kestaun
polítika sira".
"Tuir loloos aprezenta
argumentu tékniku sira ne'ebé válidu liu. Ha'u la diskuti polítika ho
eis-prezidente ida hosi empreza ida. Verdade maka bainhira ha'u defende
gazodutu ba Timor, Monteiro hanesan asesor simples ida hosi Prezidente Xanana
Gusmão iha tempu ne'ebá. No iha momentu ne'ebá hanesan ona arogante", nia
konsidera.
Alkatiri defende ona katak
hanesan importante iha estudu sira viabilidade ekonómiku nian antes avansa ho
desizaun polítika sira, tanba "bainhira objetivu maka reforsu soberania
nian entaun ekonomia bele reforsa de'it bainhira hanesan viável ho
florese", nia hatete.
"Signifika katak estudu
tékniku sira tenki halo. No la inventa númeru sira, la halo projesaun sira hodi
bele justifika rezultadu. La inventa", nia afirma.
Bainhira estudu sira ne'ebé
Governu agora hakarak halo hatudu katak projetu la'ós viável iha nível
ekonomia, Alkatiri hatete katak líder polítiku sira "tenki hanesan
klaru" ba populasaun timoroan sira.
"Iha nível pesoal ha'u fiak
katak iha posibilidade lori gazodutu mai iha ne'e, maibé presiza mós atu
esforsu tomak sira ne'e kombina ho nesesidade hosi diversifikasaun ekonomia
nian", nia afirma mós.
No, bainhira hanesan la viável,
entaun responsável sira ba investimentu sira ne'ebé halo to'o iha ne'e
"sei hatán kona-ba informasaun ne'ebé sira aprezenta ona halo ho dalan
falsu" tanba "iha nível ekonómiku, nasaun sai sustentável de'it
bainhira ekonomia hanesan sustentável", nia konsidera.
Alkatiri sustenta katak entre
informasaun ne'ebé falta, iha estudu komparativu entre opsaun oioin, inklui
posibilidade Timor-Leste sosa partisipasaun ida iha gazodutu ba Darwin, iha
Norte Austrália nian.
Líder Fretilin nian konsidera mós
"grave tebes" investimentu dolar millaun 650 ne'ebé maka Timor Gap
halo ona, hodi Timor-Leste nia naran, hodi konsege partisipasaun maioria ida
iha konsórsiu Greater Sunrise nian.
"Laiha ema ida maka tama iha
atividade, espesializadu aas tebes lahó kapasidade hodi hatán kestaun téknika
sira ho investe hodi sai hanesan parseiru dahuluk iha ‘joint-venture’.
Investimentu ne'e halo hodi sosa saida? Karik to'o sukata sira ne'ebé husik iha
tasi", nia afirma.
Alkatiri konsidera ona
aprezentasaun públika oioin ne'ebé halo hosi eis-Prezidente Xanana Gusmão
kona-ba projetu hanesan "propaganda polítika" ne'ebé hatudu ona
"falta barak hosi seriedade nian".
No justifika ona desizaun hosi,
bainhira nu'udar primeiru-ministru hosi Governu dahitu, atu ezekutivu autoriza
Agio Pereira, ne'ebé iha momentu ne'ebá hanesan ministru Estadu, hodi asina
tratadu fronteira tasi nian ho Austrália tanba kestaun eleitoral sira.
"Ami besik kampaña ba
eleisaun sira no bainhira la halo ne'e, arma boot ida ne'ebé sei uza hasoru
Fretilin maka ne'e. Maibé hatene katak iha filtru seluk hodi liu maka
parlamentu", nia afirma hodi rekorda katak nia partidu vota kontra.
Nia konsidera katak aleinde ne'e
akordu hosi fronteira ho Austrália hanesan "la leal tebes" tanba kahur
kestaun sira soberania fronteira nian ho pakote ekonómiku ida no tanba, iha
prátika, fó ba Austrália parte hosi rekursu sira ne'ebé hanesan Timor-Leste
nian.
"Tuir fronteira, 100% hosi
Sunrise tuir loloos hanesan ami nian, maibé ami fó 30% ba Austrália hodi lori
gazodutu ba Timor-Leste. No bainhira la'ós ba Darwin ka Austrália, ne'ebé antes
ami iha 90% no agora ami iha 80 no fó 20 ba Austrália", nia konsidera.
"Hanesan simplesmente ego
hosi ema ida ne'ebé hakarak hatete katak nia defini ona fronteira tasi, maibé
la afirma loloos ami nia soberania tanba Austrália sei iha buat ida hodi hatete
kona-ba esplorasaun Sunrise nian", nia afirma.
Insisti iha nesesidade hosi
auditoria ida ba buat hotu ne'ebé gasta ona iha tinan hirak ikus ne'e iha
dezenvolvimentu hosi estratéjia fronteira nian, Alkatiri hatete katak tenki
aproveita situasaun ekonómiku atual - ne'ebé tenki adia kalendáriu
dezenvolvimentu ne'ebé hato'o - hodi konklui estudu sira.
"Kalendáriu, ho estudu sira
ka lahó estudu sira, sei la kumpri. Folin hosi petróleu ho efeitu sira hosi
COVID-19 ho resesaun ekonómiku internasional iha feitu ne'e. Nune'e, kalendáriu
sei la kumpri ona no Xanana Gusmão hatene ne'e", nia afirma hodi refere ba
ema ne'ebé lidera ona estratéjia ba área iha dékada ikus ne'e.
Sapo TL | Lusa
Sem comentários:
Enviar um comentário