Xina ho Índia konkorda ona, iha
loron-sesta ne'e, iha nesesidade hodi hasai sira nia tropa hosi área fronteira
ho rezolve ona tensaun liuhosi diálogu, hafoin fulan barak nia laran iha
dezentendimentu ho konfrontu sira, informa hosi fonte ofisial sira.
Intensaun ne'e fó sai, liuhosi
komunikadu hamutuk ida, iha sekuénsia hosi reuniaun ida entre ministru sira
Negósiu Estranjeiru Xina nian ho Índia nian, Wang Yi ho S. Jaishankar, bainhira
hakotu reuniaun hosi Organizasaun Koperasaun Xangai nian (SCO) iha Moskovo.
Ministru sira konkorda ona katak
situasaun atual "la benefisia parte ruma" no katak tropa sira hosi
parte rua "tenki kontinua diálogu, sai lalais ho mantén distánsia
adekuadu", haktuir deklarasaun.
Renovasaun hosi kompromisu ne'e
akontese liutiha loron tolu hafoin nasaun rua akuza malu maka'as ba dispara
tiru sira ba ár ho intensaun "agresivu sira", iha fronteira, hafoin
tentativa sira hosi parte rua hodi tama iha teritóriu kontráriu.
Parte sira, ne'ebé agora iha
negosiasaun diplomátika iha fulan barak nia laran hodi hamenus tensaun militar
iha fronteira, dala ida tan konkorda hodi respeita akordu sira ho protokolu
sira ne'ebé iha kona-ba kestaun sira fronteira nian "no evita asaun ruma
ne'ebé maka bele agrava situasaun".
Potensial nuklear rua mantén
konflitu istóriku ida tanba rejiaun oioin iha Himalaia. Pekin reklama Arunachal
Pradesh, ne'ebé kontrola hosi Nova Deli, Índia reklama Aksai Chin, administradu
hosi nasaun viziñu.
Tensaun sira aumenta ona hafoin
konfrontu ida iha fronteira, iha 15 Juñu, iha vale Galwan, ne'ebé halo,
pelumenus, soldadu indianu na'in 20 mate, iha insidente aat liu entre nasaun
rua ne'e iha tinan 45 nia laran.
Sapo TL | Lusa
Sem comentários:
Enviar um comentário