DILI, STLNEWS.co - Komandu Polisia Nasional Timor Leste (PNTL), Munisipiu Dili, husi husu komunidade liu liu inan no aman sira atu kontrola oan iha tempu kalan.
Adjuntu Komandante daruak PNTL Munisipiu Dili, Superintendente Polisia, Euclides Belo dehan, atu kontribui redus konflitu iha rai laran, inan aman sira tenke kontrola oan sira iha tempu kalan.
“Dadaun kazu ordem publiku kontinua akontese iha bairu-bairu, tanba nee Komandu Munisipiu Dili orienta ona polisia komunitaria sira para bele halo enkontru ho autoridade lokal sira apoiu sensabiliza komunidade komunidade sira tanba iha kazu bar Husak liu idade” Jornalista sira iha knar fatin KMD Caicoli, Dili (12/10/2020).
Nia afirma inan aman sira labele husik oan sira, kada-vez balun tuku 4 madrugada halo barullu, tanba nee komandu munisipiu Dili husu ba komunidade iha Dili laran kontrola oan sira. Tanba bainhira oan sira halo problema iha dalan publiku, hodi prejudika ordem publiku, polisia sei halo kapturasaun, inklui inan-aman sira. Tan nee husu inan-aman sira atu kontrubui ba estabilidade, trankuilidade no hakmatek, labele husik oan sira badiu iha loron, kalan hodi kria problema.
“Labarik sira idade seidauk também 12 ânus, maibe husik deit, ida nee labele”, tenik Euclides.
Nia relata iha lei protesaun ba labarik para fiar ba inan-aman nuudar ema dahuluk hodi kontrola oan sira, tanba nee, inan ho aman iha dever atu bele kontrola oan sira nian sira nia atividade.
Adjuntu KMD nee mos husu ba joven sira neebe halo barullu, toka viola, hakilar iha estrada publiku, no bairu laran tenke hapara ona atividade sira nee, bainhira ulun toos mak polisia simu informasaun husi komunidade sira, sei laera no halo atuasaunidade *.
Suara Timor Lorosae | Reportajen: Efizenia da Costa | Editor: Ekipa STL
Imajen: Adjuntu Komandante daruak PNTL Munisipiu Dili, Superintendente Polisia, Euclides Belo. (Foto: STL)
Sem comentários:
Enviar um comentário