KOMUNIDADE SUJERE L7 ESPRESA HANOIN HO DAME

Komundade Kapital Dili fo sujestaun eis komandante FALINTIL rejiaun III, Cornelio Gama ‘L-7’ ho nia membru atu espresa sira nia hanoin ho dame, tanba povu rai ne’e terus dala barak ona.

Lia hirak ne’e hato’o husi Juventude, Estudante, Dona de Casa, Faan Nain Tiga Roda Denilson Maya Tinan 22 hela fatin Delta 2 Comoro husu ba eis Gerileiro L-7 atu ho nia membro atu espresa sira nia hanoin no hakarak liu husi asaun pasifiku ho dame basa povo iha rai ne’e terus dala barak ona.

“Nudar Joven buat nebe ami harak mak ne’e, ami lakohi atu iha hahalok anarkismo tanba ami lakohi atu terustan, durante ne’e ami povo kiik mak sempre sai vitima ba ema bot sira nia hahalok nebe dla barak afeita ba ami nia vida, afeita ba ami nia ekonomia no afeita ba ba mi nia estudu,” Denilson Maya hatete bainhira tesi lia ho nia kolegta nain hat hodi monitorin situasaun dalan protokolu diresaun rotunda Nicolao Lobato Comoro –Colmera , Segunda (22/6).

Iha fatin lahanesan Evanjelina Ximenes ho idade Tinan 29 hela fatin Kampun Tuti Comoro nudar faan nain hatete sente tauk ituan tanba ne’e iha segunda dader oras tuku 2 madrugada la ba sosa modo iha mercado Taibesi hodi faan fila fali hanesan bai-bain tanba tuir informasaun nebe espailha Sr. L- nia membro konsentra iha Taibesi.

“Ohin dader ne’e hau laba sosa modo tanba ema dehan L-7 nia membro sira agora nakonu iha Taibesi tanba ne’e hau tauk ba tanba dala kuando demo hanesan ne’e sempre iha akontesementu hanesan tuda malu, no seluk tan tanba ne’e ami disidi liu tiha demonstrasaun ne’e mak ami foin ba sosa fali. Tnaba ami ba sosa modo ne’e laos loron maibe sempre oras tuku 2 no tuku tolu madrugada tanba ne’e hau ho katuas oan la brani ba,” Naran Bolu uma Evalai prekupa.

Entertantu Paul Soares Rodrigues Tinan 21 nudar estudante Universidade da Paz Hela Fatin Becora hatete entidade hotu iha direitu atu espresa nia hanoin no hakrak liu husi asun oi-oin inklui mos eis gerileiro Sr. L-7 iha mos direitu atu hatoo nia hanoin maibe tenki halo ho dame no garante siguransa no apz iha rai ida ne’e atu nune’e ami sira nebe nudar futuru ba nasaun ida ne’e bele halao ami nia estudu ho diak tanba se mosu hahalok narkismo ruma iha asaun refere nia laran konserteja ne’e impaktu bot ba ami.

“Hau hanoin ida ne’e nia direitu karik tanba nia hare justisa iha ita nia rain durante ne’e lao ladun diak inklui mos korupasaun iha ita nia rain buras ba bebeik,maske iha ita nia rain iha ona Comisaun Anti Corupsaun (CAC) maibe ladauk rezolve tanba ne’e nia harak kolia, maibe nudar joven nebe hakarak fo hanoin katak ita bot sira bele halo mesmo antes ne’e la hetan autorijasaun maibe halo duni, inome de hau nia an inome mos ba estudante hotu-hotu husu atu Sr. L-7 ho nia membro sira halao asaun ho dame tuir lei nebe iha tanba PNTL sei la halo buat ida se ita bot sira kompri duni lei nebe mak iha hodi halao demonstrasaun ho kalma, ho dame,” Paul Rodrigues sujere.

Liafuan hanesan mos hatoo husi Afati Fernando nudar dona de Casa Tinan 42, hela fatin Elemloy Delta Comoro katak Demo bele halo maibe tenki demo ho hakmatetek atu nune’e labele fo impaktu ba kualker aktividade liu-liu ba eskola oan sira tanba durante ne’e feriado abrak demais agora dadauk iha tan demonstrasaun halo inan aman estudante balun tauk hodi lakohi fo nia oan ba eskola inklui mestri sira mos balun tauk hodi ba hanorin.

“Hau desde ohin tauk los tanba hau nia oan eskola iha SMA 4 Balide tanba ne’e hau tauk, tauk laos ba buat seluk maibe tauk mak sira sai husi uma dehan ba eskola depois too iha ne’e ba sira dada malu ba hare demostrasaun ne’e pois akontese buat ruma,” Afati prekupa.

Tuir observasaun diario ne’e iha tereno nota katak, iha oras dader mais ou menus oras tuku 8 too tuku 12 aktividade hotu-hotu iha kapital Dili lao hanesan bai-bain maibe iha lamentasaun balun akontese liu-liu motorijada kareta nomotor tanba mosu engrafamentu iha parte Palacio do Governo hodi halo funsionario publiku balun tama servisu tarde.

Tantu oras tuku rua lorokraik situasaun lao normal so tranzitu ladun rame hanesan bai-bain sempre mosu engrafamentu iha parte balun mak hanesan Aitarak laran, no kurjamento Diresaun Delta,Comoro no Comoro –Colmera.

Alende ne’e iha eskola balun mos haruka estudante fila sedu ba uma mak hanesn Eskola Sekundaria 10 Dezembro Comoro, no balun tan.Ola

Jornal Nacional