OECUSE SAI KAMPIAUN BA TAXA ESKOLAR

Ekipa volley ball mane Oecuse sai kampiaun ba taxa eskolar ne’ebe organiza husi Federasaun Desportu Academia de Timor Leste (FDATL), ne’ebe realize iha ex-jinajiu Dili durante semana rua (loron hahu 19 – 30 horseik, fulan Setembru tinan ida ne’e.)

Eventu kompetisaun eskolar, volley ball ne’ebe involve husi minisipiu 11 no reziaun autonia Oecuse.

Joagador José Conceição da Costa Pinto nuudar kapitaun husi ekipa Oecuse hateten, agradese ba nai maromak no sente orgullu no kontetente tebes, tanba ho nia ekipa bele sai nuudar kampiaun ba taxa eskola ne’e.

“Maske durante iha jogu laran, hasoru defikuldade oioin, maibe hau ho ekipa jogadores sira, sempre hasoru ho passiensia no esforsu hodi hasoru dezafius refere.” Nia informa.

Entertantu jogador Jilberto Esteves Pereira nudar kapiataun de ekipa husi Munisipiu Baucau hateten, sente grasa bot ida no satisfeitu tebes tanba sai nuudar segudu lugar.

“Hau hanoin, ami tenki simu derota husi ekipa Oecuse, no tenke rekonhese katak, ida ne’e mak ami nia esforsu iha jogu kontra ho Oecuse.” Nia afirma.

Nia hatutan, iha esperansa boot tebes ba future, tanba ami sei halo preparasaun ne’ebe masimu , antes mai partisipa iha eventu eskolar ne’e.

Prezidente komisaun organizadora, Ricardo da Costa Ribeiro informa, Konabá premiu ba mana nain sira, primeiru lugar sei hetan taxa permanente ida ho osan $ 1.500.00, segundu lugar taxa permanente ida ho osan $ 1.250.00, terseiru lugar taxa permanente ida ho osan $ 1000.00 no kuartu lugar hatan deit mak Bola ho Net.ito

Jornal Nacional