EZISTENSIA PSIK IMPAKTU BA ESTADU

Portavos Governu, Agio Perreira hatete katak, Polisia Sientifiku Investigasaun Kriminal (PSIK) ninia ejistensia fo impaktu bo’ot ba Estadu Timor Leste(TL), tanba ne’e intituisaun refere tenke lidera ho lideransa ne’ebe mak Juridiku Tekniku Estadu ho isu Global.

“Polisia sientifika ne’e katak nia iha espesializasaun iha area sientifika investigasaun kriminal ninian, nomeasaun politika ne’e atu fo lideransa Global ba instituisaun i lideransa ne’e laos impaktu deit ba PSIK i lideransa ne’e impaktu ba Estadu tomak,” dehan, Agio Perreira ba Jornalista sira iha Centro Formasaun Juridiku, Kaikoli, Kinta (01/10/2015), hafoin fo tomada de Posse ba Direktur PSIK foun Vicente Brito.

Agio mos hatete diferensia Polisia Nasional Timor Leste (PNTL) halao knar nebe la hanesan ho PCIC, katak PCIC nesesariamente haree liu ba isu Global Juridiku tekniku Estadu nian.

“Polisia halo knaar idak-idak nian, la’os nesesariamente atu isu ne’ebe global juridiku tekniku Estadu ninian, tanba hanoin hanesan ne’e maka Primeiru Ministru hanoin katak majestradu ho doutoramentu nia mak propriadu lidera organizasaun foun ida hanaesan PSIK,” Agio dehan.

Nia mos hatete ho lideransa foun ne’e bele lidera ho ekipa sientifiku tomak nia tenke lidera orgauns polisiais ho lei no orden seluk nebe iha relafansia ho PSIK tanba ne’e importante teb-tebes, tanba TL ninia dezenvolvimentu makas teb-tebes.

Nia fo ezemplu hanesan iha nasaun Amerika Crimesing Investigation, kuandu ema mate iha asidenti ruma polisia hanesan PSIK ne’e mak apura kedas evidensia sientifikamente, tuir konstituisaun dehan proteje mos ema ninia inosensia la’os akuza deit ne’e mak importante tebes.

Iha fatin hanesan, Segundu komandante Polisia Nasional Timor Leste (PNTL), Komisariu Faustino da Costa afirma katak diretur sesante PSIK Hermenegildo sei fila ba komando PNTL.

“Nia sei fila ba komando katak tenke lori karta ruma, depois prosesu administrativu komando nian pois mak lao,” afirma Faustino.

Hatan mos konaba naran PSIK bele troka ka lae, tanba uja mos naran Polisia, Komisariu Faustino hatete naran PSIK ne’e tuir dekretu lei laos komando polisia mak desidi tanba tuir dekretu lei laos diploma ida desde lei tau iha neba, mais nesesariu ruma bele haree ba ida nebá. Eus

Jornal Nacional