Timor-Leste
importa ona sasán no serbisu sira ho folin dolár millaun 29,4 iha fulan-Agostu,
folin nebe tuun tebes relasionadu ho importasaun iha períudu hanesan iha 2014
ho dolár millaun 52,9.
Informasaun
nebe fó sai hosi Diresaun Jerál Estatístika nian konfirma mós esportasaun nebe
tuun, hosi 2,84 ba dolár millaun 1,05 iha períudu sira nebe analizadu.
Informasaun
sira hatudu katak nasaun nebe fa'an liu ba Timor-Leste iha fulan-Agostu maka
Singapura, ho esportasaun totál hamutuk dolár millaun 11,78. Tuir Indonézia ho
millaun 6,11 no Xina ho venda ba Timor-Leste iha folin dolár millaun 2,96.
Timor-Leste
nia esportasaun úniku maka kafé, iha fulan-Agostu fa'an ona tonelada 2150, ho
fatia boot ida - dolár rihun 643 ka tonelada 1440 - ba Estadus Unidus. Portugal
sosa ona tonelada 663 resin ho dolár rihun 225.
SAPO
TL ho Lusa – foto Vendedór sira iha merkadu tradisionál Taibessi nian, iha
Díli. EPA@ António Dasiparu
Sem comentários:
Enviar um comentário