Deskonfia Dosente UNTL Halo Kobaransa Ilegal ba Estudante

DILI - Deskonfia Dosente Universidade Nasional Timor Lorosae (UNTL) balun halo kobaransa Ilegal ba estudante sira, neebe lavanta husi Reprezentante povu iha uma fukun Parlamentu Nasional.

Tuir Deputada Bankada Fretilin ilda da Conceição katak deskonfia iha dosente balun neebe mak halo kobaransa illegal ba estudante sira, no kazu nee too iha komisaun F Asuntu Edukasaun, Saude, Veteranus no igualdade Zeneru Parlamentu Nasional.

Ami simu kazu Dosente balun neebe halao kobaransa ilgal husi estudante sira kazu nee too iha Komisaun F tan nee ami hakarak husu kazu nee ninia prosesu lao,” dehan ilda liu husi Audensia Publiku ho Ministeriu Edukasaun Sesta (13/11/2015) iha uma Fukun Parlamentu Nasional.

Nia hatete Informasaun neebe mak iha UNTL iha Autonomia rasik maibe Orsamentu Jeral Estadu mos atu hamenus, signifika osan estadu nian diminui ba institusaun nee tenki iha reseita husi fatin seluk tan nee fonts reseita husi parte neeba.

Iha fatin hanesan Duputada Bankada CNRT Bilou Mali hatete observasaun komisaun F neebe akompania dosente balun iha UNTL, laos halao atividade iha UNTL deit maibe sira mos halao servisu iha fatin privadu.

Hatan ba Preokupasaun nee reitor UNTL Aurelio Guterres rezeita UNTL laiha kobaransa Ilegais kuandu docente ruma mak halo kobaransa iha 2014, fakuldade balun mak halo kobaransa konsege halo Investigasaun osan haruka fo fila fali. Informasaun kompletu iha STL Jornal no STL Web, edisaun Sabado (14/11/2015). Timotio Gusmao

Suara Timor Lorosae