Governu Propoin OGE 2016 Billiaun 1.455, Xanana: Prioridade Dezemvolve Infrastrutura

DILI- Rajaun Governu Aumenta Orsamentu Geral Estadu (OGE) ba tinan 2016 husi Billaun 1.3 ba Billaun 1.455, tamba governu fo prioridade atu hadia Infrastrutura baziku iha rai laran.

Bazea ba proposta Orsamentu neebe mak Governu Aprezenta ba parlamentu nasional ho Montante Billaun 1.455.235, hodi aumenta tan orsamentu Imprestimu ho montante millaun 107.000, nune total orsamentu neebe governu propoin ba Parlamentu Nasional Balilaun 1.562.235 dolar Amerikanu ba orsamentu geral estadu 2016.

Tuir Eis Primeiru Ministru atual Ministru Planiamentu Investimentu Estrateziku Xanana Gusmao katak, nia parte rekoinese iha jornarda orsamentais disidi atu orsamental 2016 ba deit Billaun 1.3, maibe ikus mai governu Aprezenta proposta Orsamentu sae ba 1.455 billaun.

Ami hanoin labele tun ba bilaun 1.3 tamba ita iha hela faze dezemvolvimentu neebe presiza teb-tebes mak atu hadia ita nia infratrutura bazikas,” dehan Xanana Wainhira halao Audensia Publika ho Reprezentate Povu iha Parlamentu nasional Kuarta (11/11/2015).

Nia hatete Jornada orsamental ba deit 1.3 billaun hotu aseita tamba orsamentu nee bele hadia diak liu hodi halo kontrolu no hadia zestaun iha institusaun estadu, maibe governu Aprezenta fali Billaun 1,455 tamba atu hadia Infrastrutura.

Iha fatin hanesan Prezidente Komisaun C Asuntu Finansas Publiku Virgilio Marcal hatete tuir Jornada orsematal neebe mak halao no komisaun C mos partisipa, governu tetu orsamental 1.3 maibe ikus mai proposta neebe mak Aprezenta PN 1.455. Informasaun kompletu iha STL Jornal no STL Web, edisaun Sesta (13/11/2015). Timotio Gusmao

Suara Timor Lorosae