KONTENTOR ILEGAL 2 LAKON IHA PORTU DILI

Iha loron 16 fulan Outubru tinan 2015, kontentor rua (2) ne’ebe tama ilegalmente mai iha Porto Dili, to’o agora lakon derepenti deit.

Dau-daun ne’e, Servisu Alfandega intrega ona kazu ne’e ba Polisia Investigasuan Kriminal atu bele halo investigasaun no loke prosesu klean ba kazu krime ne’e.

‘’Kontentor rua ne’e tama mai la iha dokumentos, entaun parte Alfandega la autoriza atu hasai sasan iha kontainer laran, maibe liu loron hira deit konatiner rua lakon tiha deit, kazu ne’e ami intrega ona ba polisia agora polisia halo hela investigasaun ba kazu ne’e,’’ informa Direitor Jeral Alfandega, Jose Abilio ba jornalista sira iha Alfandega, Kuarta (17/02/2016).

Jose hatete, iha momentu ne’e parte Alfandega buka tuir kedas kontainer ne’e konsege hetan duni kompania nain ne’e depois husu tuir kompania nain hasai hotu no fan hotu ona sasan sira ne’e.

Kontainer rua ne’e hatama husi empreza internasiona ida ne’ebe servisu hamutuk ho empreza nasional ida, mas Alfandega lakonsehe detekta sasan iha kontainer laran, tanba ilegal tenke submete ba prosesu maka bele loke.

Nia esplika, prosesu normal kuando kontaienr ida tama iha portu nain mai prosesa mak Alfandega bele hare dokumentos legal ka lae depois mak bele autoriza hasai sasan iha konatier laran ka lori kontainer sai, maibe momentu ne’e ckntainer rua ne’e iha Portu derepenti lakon deit.

Iha fatin seluk deputado Bankada Frenti Mudansa Jorge Teme hatete, kontainer rua kuando lakon ne’e signifika servisu Alfandega mak la los, Estadu foin koalia kona ba reforma fiskal ho sistema tributaria, maibe problema akontese ona, ne’e signifika hakiak hela mafiozu kiak sira iha sistema nia laran, Governu tenki iha kbit atu identifika mafiozu sira ne’ebe tenta destroi nasaun.

‘’Kontentor ne’e laos nehek ne’ebe kik, kontentor ne’e sasan ne’ebe bot tebes nia bele lakon, ne’e mafiozu ne’ebe mak profesional tebes ona, tanba container bot ne’e bele foti husi aportil ne’e, ida ne’e problema seriu, parte instituisaun kompotenti tenki hola medidas forte bainhira iha faktus ajente Estadu mos involve iha laran,’’ hateten Jorge Teme.

Hanesan reprezentante povu iha parlamentu nasional, deputado Jorge la menta tebes ho situasaun ne’e, tan ne’e nia husu ba Governu labele taka matan ba problema ne’’e, tanba iha onja rede mafiozu iha instituisaun Estadu ne’e mak hodi halo lakon container bot rua ne’e. nia

Jornal Nacional