CNRT Haruka Karta Ba Membru Governu Husi PD, Rogeiro: “Ita Fo Pozisaun Tenki Konfiansa Politika”

DILI - Partidu CNRT haruka ona karta ba membru Governu Partidu Demokratiku ho kontiudu katak membru governu sira nee hili dalan ba indepedente bele mantein, maibe nudar partidu sira tenki rejigna aan, tamba bloku koligasaun la eziste ona.

Lia hirak nee hatoo husi Sekertariu Jeral Partidu CNRT Dionisio Babo, ba Jornalista sira iha Palasiu Governu, Segunda (25/04/2016).

Ami seidauk haruka karta ba PM Rui, maibe CNRT haruka karta ona ba membru governu sira neebe mai husi partidu Demokratiku, ho kontiudu kartak nee katak se mantein posisaun ho partidu uluk entau sira rejigna, se sira deklara aan nudar indepedente ho karta eskritu entau sei fo ba Primeiru Ministru hodi hare no determina,” hateten Babo.

Sekjen Babo ne mos haklean tan katak hili meja PN husi Fretilin la partisipa, neduni CNRT nia ema maka sei kaer hotu, maibe sira agora enkontru ona lider bankada hodi abansa ba elisaun, maibe agora nia la bele fo sai naran lai, tamba buat nee sei iha prosesu nia laran, tamba seidauk halo elisaun.

 Iha parte seluk Fundador Falintil Rogerio Tiago Lobato hateten Demokrasia buat ida normal, kuandu lakon konfiansa lideransa ida tenki buka halo mudansa. Informasaun kompletu iha STL Jornal no STL Web, edisaun Tersa (26/4/2016). Joao Anibal

Suara Timor Lorosae