Rogerio: Bele Nomeia Jeneral Foun, Tenki Tau Aas Veteranus Nia Dignidade

DILI - Fundador Falintil Rogerio Tiago Lobato hateten Prezidente Republika (PR) Taur Matan Ruak nomeia Koronel Pedro Klamar Fuik, troka Jeneral Lere Anan Timur, nee tuir legalidade, tamba proposta husi governu, maibe prezidente mos tenki konsideira no tau aas dignidade veteranus sira neebe ativu iha FFDTL, wainhira reforma.

Lia hirak nee hatoo husi Fundaror Falintil Lobato, ba Jornalista sira, iha nia knar fatin Timor Lodge, Comor, Dili, Segunda (25/04/2016).

Ita hatene nomoeiasaun Jeneral foun nee Bele kaer ba legalidade, maibe kaer mos ba veteranus sira nia dignidade nudar ema, tamba hanesan komadante Lere, Komadante Falur no komadante sira seluk, nee sorte deit maka sira moris, se lae sira mate hotu hanesan saudozu sira seluk, tamba nee ita reforma sira, tenki trata ho didiak, tamba sira mos terus ba funu ida nee,” hateten Lobato.

Fundador Falintil nee mos hatutan insititusaun F-FDTL hanesan forsa nasaun, tamba nee presiza komandante neebe iha aten boot hodi lidera, maibe nomeia Koronel Pedro Klamar Fuik nee bele, taba tuir lei.

Antes nee mos Xefi Estadu Maior Jeneral FFDTL Maijor Jeneral Lere Anan Timur liu husi nia konfrensia imprensia hateten ona katak sira veteranus neebe altivu iha F-FDTL nia laran tempu too ona atu reforma, maibe Prezidente Republika Taur Matan Ruak reforma sira hanean ema veteranu la bele halo sira hanean ema kriminozu. Informasaun kompletu iha STL Jornal no STL Web, edisaun Tersa (26/4/2016). Joao Anibal

Suara Timor Lorosae