Eis-ministru
Negósiu Estranjeiru timoroan nian hatudu nia preokupasaun iha loron-kuarta ne'e
ho instabilidade no aprensaun internu ne'ebé mosu hosi indesizaun kona-bá
futuru komando iha forsa sira defeza nian no impaktu hosi krizi ba nasaun nia
imajen iha estranjeiru.
"Sim,
ha'u preokupadu. Ha'u hein katak instituisaun sira, liuliu señór Prezidente
Repúblika, Governo ho hierarkia militár bele hetan solusaun ida ba
situasaun", afirma hosi José Luís Guterres iha deklarasaun sira ba Lusa.
José
Luís Guterres, ne'ebé uluk hanesan ministru Negósiu Estranjeiru iha Governu
konstitusional dalima - sai hosi kargu bainhira iha mudansa Governu nian iha
inísiu 2015 - no hahú ne'e sai nu'udar líder hosi bankada Frente Mudansa (iha
fatin rua iha Parlamentu Nasional).
"Problema
iha ne'e maka nesesidade hodi ko'alia saida maka ami hakarak ba forsa armada
sira ohin loron no iha futuru. Importante liu maka hetan solusaun ida ba buat
sira ne'e", nia hatete.
"Indefinisaun
ne'e maka kria instabilidade polítika, kria mós preokupasaun hosi parte
populasaun nian. Laiha elementu ida ne'ebé maka halo parte iha hierarkia
militar ka veteranu ruma, inklui Prezidente ka iha governu, hakarak atu
situasaun ne'e kontinua lahó solusaun ruma", nia hatutan.
Adia
nafatin hahú hosi fulan-Outubru tinan liubá, prosesu tranzisaun iha lideransa
forsa sira Defeza nian (F-FDTL) seidauk laiha solusaun ida.
Prezidente
Repúblika, Taur Matan Ruak, fó sai ona desizaun rua oinseluk, maibé seidauk hala'o
formal tanba hamosu polémiku, desizaun dahuluk tanba Governu hatete katak la
halo tuir sira nia proposta no desizaun daruak tanba hamosu laran-triste iha
komando F-FDTL rasik no entre veteranu timoroan sira.
Iha
loron 09 Fevereiru, Taur Matan Ruak fó sai ona katak demiti tiha Xefe
Estadu-Maior Jeneral Forsa Armada sira nian (CEMGFA), Lere Anan Timur, hodi
promove brigadeiru-jeneral Filomeno da Paixão de Jesus, ne'ebé hanesan númeru
daruak, hodi troka nia fatin.
Desizaun
ne'e la la'o ba oin tanba kontra proposta hosi Governu - ne'ebé defende
estensaun ba mandatu hosi sira na'in rua nian - hamosu tensaun maka'as entre
Prezidénsia, ezekutivu ho Parlamentu Nasional no lori mós rekursu sira
(rejeitadu) hosi Governu ba Tribunal Rekursu.
Taur
Matan Ruak nunka formaliza desizaun no simu ona iha fulan ne'e proposta foun
hosi Governu, hodi nomeia kapitaun-tasi-no-funu Donaciano Gomes (Pedro Klamar
Fuik) nu'udar CEMGFA no koronel Calisto dos Santos (Coliati) nu'udar
visi-CEMGFA ne'ebé aseita ona no fó sai ona.
Maibé
liutiha loron 11 hafoin anúnsiu ne'e kontinua laiha implementasaun no asuntu
ne'e seidauk iha solusaun hafoin reuniaun iha semana ne'e hosi Konsellu
Superior Defeza no Seguransa nian.
Iha
enkontru ne'e Lere Anan Timur entrega ona ba Taur Matan petisaun ida hodi
veteranu timoroan sira nia naran hodi defende diálogu ida boot liu kona-bá
asuntu oioin relasionadu ho veteranu sira.
José
Luís Guterres hein katak petisaun ne'e bele tulun ba debate nasional boot ida
kona-bá futuru hosi forsa sira defeza nian, knaar hosi veteranu sira iha
profisionalizasaun hosi forsa sira no iha prosesu hosi konstrusaun Estadu
rasik.
"Durante
tinan hirak ne'e nia laran komandante sira ne'e sai hanesan ai-riin hosi
rezisténsia. Sira fó moris tomak ho profisionalizmu ba nasaun, agora labele
husik sira", nia afirma ona.
Eis-xefe
diplomasia timoroan nian admiti katak situasaun ne'e bele estraga imajen nasaun
nian iha estranjeiru.
"Loos
duni no ha'u lamenta atu ne'e akontese. Iha solusaun sira ne'ebé la'ós susar.
Hanesan kestaun diálogu atu bele hetan solusaun sira ba problema oioin",
nia afirma.
SAPO
TL ho Lusa
Sem comentários:
Enviar um comentário