Nomeasaun Xefia Militar, Provoka Krize Altu Nivel

DILI - Nomeasaun kargu xefia iha institusaun militar provoka krize altu nivel neebe afeita ba orgaun soberanu estadu hanesan Parlamentu Nasional no Governu, tan nee tenki diskotu ho kalma nunee labele provoka situasaun iha rai laran.

Tuir Prezidente PN Vicente Guterres katak nomeasaun Xefia militar halo situasuan sensivel teb-tebes neebe provoka krize mais Altu nivel neebe afeita dadaun iha Parlamentu Nasional nomos bele afeita ba governu.

Ita iha situasaun senisivel teb-tebes tamba nomeasaun xefia militar mais autonivel, provoka krize altu nivel neebe iha prezidensia afeita dadaun Parlamentu Nasional, tan nee ita halo rekementu ida nee, afeita mos ba iha governu,” dehan Vicente Liu husi sesaun plenaria ekstra-ordinariu, Kuarta (27/04/2016) iha Parlamentu Nasional.

Nia husu deputadu sira atu adia debate rekementu husi Bankada CNRT ba iha loron Segunda semana oin, atu nunee deputadu sira ho ulun malirin hodi hare situasaun neebe mak lao ho klaru no mos bele halo transmisaun direta husi media, atu nunee povu akompaina situasaun iha PN.

Iha fatin hanesan Vice prezidente PN Adriano Nacimento hatete nia parte laiha komentariu ba nomeasaun Xefia Militar iha institusaun Falintil Forsa Defeza Timor Leste, tamba sivil labele koalia kestaun militar nian.

Vice Prezidente Parlamentu Nasional Aderito Hugo Hatete desizaun Prezidente Republika Taur Matan Ruak nomea Pedro Klamar fuik sai Major Jeneral nia dekretu seidauk publika iha jornal Republika. Informasaun kompletu iha STL Jornal no STL Web, edisaun Kinta (28/4/2016).  Timotio Gusamao

Suara Timor Lorosae