Membru KI La Bele Involve Iha Politika, Hugo Involve Iha Partidu

DILI - Tuir Lei Estatutu Konsellu Imprensa iha artigu 16 pontu 3, bandu membru Konsellu Imprensa (KI) involve aan iha partidu politiku, maibe membru KI Hugo Fernandes involve aan iha politika, nee hatudu katak nia kontra no viola lei estatutu imprensa tamba nee tenki rejigna aan husi KI.

Sekertariu Estadu Komunikasaun Sosial Nelio Isaac katak iha lei Estatutu Konsellu Imprensa Artigu 16 hateten Ejebelidade garantia indepedensia no inkompatibilidade, depois iha pontu 3 mos hateten momos iha neeba, maibe membru KI neebe hili husi Organizasaun Media AJTL Hugu Fernandes involve aan iha partidu politiku diak liu husu rejigna aan.

Tamba nee ita hili ema ida ba Konsellu Imprensa ema nee tenki lepas husi partidu politiku, se nia kontinua iha partidu politiku nia tenki regjina aan husi konsellu imprensa, se la nia prezudika servisu imprensa nia,” hateten Nelio, ba jornalista sira iha nia knar fatin, Palasiu Governu, Kuarta (27/04/2016).

Nia dehan kuandu koalia konba liberdade imprensa, tenki livre husi poder politika no poder ekonomiku, atu nunee la bele impede servisu imprensa.

Iha parte seluk Membru Konsellu Imprensa Hugo Fernandes hateten nia involve aan duni iha partidu politiku, mesmu nia eleitu ona ba membru konsellu imprensa. Informasaun kompletu iha STL Jornal no STL Web, edisaun Kinta (28/4/2016).  Joao Anibal

Suara Timor Lorosae