Prezidente
Repúblika timoroan, iha loron-sesta ne'e, hatete ona katak nomeasaun ba
responsável foun na'in rua hosi forsa defeza (F-FDTL), ho baze iha proposta
hosi Governu, reprezenta "tranzisaun jerasional" ida oinseluk hosi
tranzisaun graduál liu ne'ebé nia sempre hakarak.
Iha
komunikadu, gabinete Taur Matan Ruak esplika katak xefe Estadu konkorda ba
proposta ida hosi proposta rua ne'ebé Ezekutivu aprezenta, hodi nomeia
kapitaun-tasi-no-funu nian Donaciano Gomes (Pedro Klamar Fuik) nu'udar xefe
Estadu-Maior Jeneral Forsa Armada (CEMGFA) no koronél Calisto dos Santos
(Coliati) nu'udar visi-CEMGFA.
"Maski
defende nafatin tranzisaun gradual ida, Prezidente Taur Matan Ruak aseita ona
proposta tranzisaun jerasional, kontemplada iha opsaun daruak ne'ebé Governu
aprezenta", nia refere.
"Susesaun
iha lideransa Forsa Armada sira nian hanesan sinal ida ho konfiansa maka'as iha
instituisaun militar militar no iha militar sira ne'ebé halo parte iha
instituisaun", hakerek iha komunikadu ne'e.
Opsaun
seluk ne'ebé Governu aprezenta maka kontinuidade, ba tinan rua, hosi mandatu
atuál hosi responsável sira F-FDTL nian, Lere Anan Timu no Filomeno Paixão,
maibé Taur Matan Ruak rejeita ona posibilidade ne'e dezde aprezenta hosi
Ezekutivu iha fulan-Outubru liubá.
Iha
nota, Prezidénsia Repúblika esplika katak "pormenór sira relasionadu ho
promosaun hosi ofisial sira ne'e, hanesan mós hosi xefe Estadu-Maior F-FDTL
nian no hosi komandante sira hosi Komponente sira, ba promosaun honorífiku no
saída hosi ofisiál sira ne'ebé agora daudaun iha funsaun sira ba reforma no ba
organizasaun hosi serimónia ofisial ne'ebé sei finalizadu entre serbisu sira
hosi Prezidénsia Repúblika ho Governu".
"Prezidente
Repúblika felisita ho konsensu ne'ebé hetan, hodi interese superior nasional,
ne'ebé permiti ultrapasa difikuldade hosi xefia militár sira no agradese
serbisu heroiku hosi militar sira ne'ebé agora husik F-FDTL iha luta ba
libertasaun nasional no iha konstrusaun ba Forsa Armada ida ne'ebé forte hahú
hosi independénsia nasional", refere iha komunikadu.
Iha
komunikadu ida seluk, ne'ebé fó sai hafoin hosi Taur Matan Ruak nian, Governu
felisita akordu ho Prezidente Repúblika kona-bá xefia hosi Falintil-Forsa sira
Defeza Timor-Leste (F-FDTL) nian, ne'ebé hetan hafoin fulan barak nia laran iha
difikuldade entre xefe Estadu ho Ezekutivu.
Komunikadu
esplika katak iha loron 07 Abril, iha reuniaun semanal entre Prezidente
Repúblika, Taur Matan Ruak, no primeiru-ministru Rui Maria de Araújo, xefe
Estadu husu ona ba Governu proposta foun ida ba xefia sira hosi F-FDTL nian.
"Proposta
ne'e mosu hosi konsulta ida ba xefia atuál sira F-FDTL nian, hosi ministru
Defeza nian, no rezultadu hosi análize situasaun nian, halo iha reuniaun hosi
Konsellu Ministru sira nian iha loron 12 Abril", refere hosi testu.
Iha
loron 13 Abril, Governu haruka ona proposta rua ba Xefe Estadu no iha
loron-kinta "Prezidente Repúblika fó sai katak aseita ona proposta
ida".
Porta-vós
hosi Ezekutivu, ministru Estadu Agio Pereira, hatudu "satisfasaun hosi
Governu tanba órgaun soberanu rua ne'e hetan ona entendimentu ida ne'ebé
relasionadu ho xefia hosi Forsa sira Defeza nasaun nian".
"Dala
ida tan, sira hala'o diálogu no respeita malu maka'as tuir ne'ebé karakteriza
iha ami nia sistema demokrátiku, ne'ebé hanesan prova sira dame nian,
estabilidade no progresu ne'ebé akontese ona iha ami nia nasaun joven",
nia hatete.
SAPO
TL ho Lusa – Foto: Presidência da República de Timor-Leste
Sem comentários:
Enviar um comentário