Babo: Hatun Vicente Karakteristika Natureza Laos Sala

DILI - Partidu CNRT foti desizaun hatun Vicente Guterres husi nia kargu Prezidente Parlamentu Nasional, laos tamba halo sala maibe karakteristika natureza bloku koligasaun neebe oras nee la ejiste ona.

Tuir Sekretariu Jeral partidu CNRT Dionisio Babo katak desizaun Partidu CNRT hodi halo elisaun foun iha PN, laos buka ema nia sala maibe hare ba Karakteristika natureza iha bloku koligasaun.

Desizaun neebe ita la koalia sala ema ida nian maibe koalia kona ba karakteristika natureza bloku neebe la eziste ona, tan nee tempu badak Parlamentu sei halo elisaun foun ba kompozisaun meja parlamentu,” dehan Babo ba Jornalista STL (14/04/2016) iha PN.

Nia hatete tuir konstitusaun iha Parlamentu mak hari governu ida kuandu bloku koligasaun lao hamutuk hotu-hotu lao diak, governu mos estavel laiha diskordansia ba malu tenki halo mudansa estratezika neebe akontese iha PN.

Nunee mos Vise Prezidente PN Adriano Nacimento hatete presiza hare didiak rezimentu, kuandu rezimentu fo dalan maioria hakarak halo saida deit konforme Partidu maioria. Informasaun kompletu iha STL Jornal no STL Web, edisaun Sabado (16/4/2016). Timotio Gusmao

Suara Timor Lorosae