Fundu Petrolíferu (FP) Timor-Leste nian,
fonte fiskal prinsipal Estadu nian, iha final hosi trimestre dahuluk tinan nian
iha folin dolár millaun rihun 16,58, liu millaun 360,24 duké iha final tinan
liubá, haktuir hosi Banku Sentral.
Iha relatóriu trimestral ne'ebé refere ba
períudu entre fulan-Janeiru no fulan-Marsu, Banku Sentral esplika katak iha
períudu ne'e FP rejista ona entrada bruta sira hosi ‘royalties’ no impostu sira
iha folin dolár millaun 125,30 ne'ebé sei tau hamutuk ho sei fahe no juru sira
ho millaun 334,95.
Saída hodi halo pagamentu hosi Fundu
Petrolíferu, durante trimestre, maka dolár millaun 100 ba Orsamentu Estadu nian
no hosi millaun 5,18 ba despeza jestaun nian ho retornu ida 2,10%.
Iha termu anuál sira, relasionadu ba
trimestre dahuluk tinan 2015 nia rohan, folin fundu nian tuun millaun 245,27
hosi dolár millaun rihun 16,82 ba dolár millaun rihun 16,58.
SAPO TL ho Lusa
Sem comentários:
Enviar um comentário