Militante Partidu 4 Halai Ba CNRT

DILI – Militante husi Partidu 4 hanesan Partidu Demokratiku (PD), Partidu Sosial Demokrata (PSD), Partidu Dezenvolvimentu Nasional (PDN) no Partidu Sosialista Timor (PST) halai ou afilia ba partidu CNRT neebe mak lidera husi Xanana Gusmao.

Afiliasaun militante partidu 4 nee halao iha Aldea Ramelau, Suku Manleuana, Postu Administrativu Don Aleixo, Municipiu Dili, Domingu (29/05/2016).

Tuir Eis Kordenador Partidu Sosial Demorkrata (PSD), Joao Tilman, ba STL wainhira remata halao afiliasaun hatete rajaun nia ho nia estrutura afilia ba CNRT, tuir nia observasaun durante nee Partidu CNRT mak bee halao dezenvolvimentu hodi hadia povu nia moris.

Iha partidu barak iha Timor no iha ida-ida nia programa maibe tuir hau nia hare durante nee so CNRT mak bele halao dezenvolvimentu hodi hadia povu nia moris nomos kria pas no estabilidade iha rai laran tanba nee mak ami afilia ba CNRT,” hatete Joao.

Nia hatutan sigundu rajaun nia hamutuk ho nia membru sira halai hotu ba Patidu CNRT, tanba deit CNRT iha figura ida neebe mak kuinesidu iha mundu nomos figura ida neebe mak bele hadia povu nia moris inklui mos dezenvolve nasaun ida nee.

Iha fatin hanesan, Fransisco da Costa, husi Partidu Demokrata mos hatete rajaun nia afilia ba CNRT, tanba deit lideransa iha Partidu PD nia laran rasik la unidade nomos la tau intrese ba estrutura iha baze.

Hatan ba afiliasaun nee Sekretariu Jeral Partidu CNRT, Dionisio Babo, hatete CNRT nia odamatan nakloke ba timor oan hotu neebe mak hakarak hamutuk ho CNRT, atu hadia povu nia moris nomos dezenvolve nasaun nee. Informasaun kompletu iha STL Jornal no STL Web, edisaun Tersa (31/5/2016). Thomas Sanches

Suara Timor Lorosae