Vou hosi Bali ba Timor-Leste tenke fila fali tanba fera iha vidru cockpit -- empreza

Aviaun Air Timor ida ne’ebé opera hosi indonézia Citilink no semo entre Bali no Dili horisehik tenke fila fali ba sidade indonézia iha minutu 10 hafoin semo, tanba fera iha vidru cockpit, hatete ba Lusa fonte empreza nian.

"Aviaun ne’e iha fera iha vidru no komandante deside fila fali ba Bali. Laiha kualkér problema ba pasajeiru sira", esplika ba Lusa fonte AirTimor nian.

Pasajeiru sira troka fali aviaun, Airbus 320 ida, no entretantu kompleta viajen to’o Dili, no vou ida seluk fila fali ba kapitál indonézia.

SAPO TL ho Lusa