quinta-feira, 26 de maio de 2016

Militár sira Giné-Bisau nian garante katak sira hadook-an hosi "jogu polítiku"


Militár sira Giné-Bisau nian sei lamete iha "jogu polítiku", sira ne’e republikanu no respeitadór Konstituisaun, hatete ohin jenerál Júlio Nhaté, xefe divizaun Rekursu Umanu Forsa Armada nian.

Nhaté, eis-xefe Estadu-Maiór Ezersitu gineense, afirma, ba parada militár iha Bisau, katak papél soldadu sira-nian "mak respeita podér polítiku" tanba ne’e, nia hatete, sira "sei la mete iha jogu polítiku", nia hatete.

"Mai hosi confusão. Bainhira iha konfuzaun ami militár sira mak oho malu. Ami-nia papél mak defende nasaun no respeita Konstituisaun", hatete jenerál Nhaté.

Militár gineense sira komemora ohin Loron Áfrika nian ho marxa entre rotunda aeroportu Bisau nian to’o iha prasa Mártires de Pindjiguiti, iha distánsia kilómetru ualu, empeña dístiku ne’ebé dehan: "Ami sei hadook-an hosi polítiku sira" ka "Ami sempre defende dame no hakmatek".

Iha pasu korrida ne’e, soldadu sira hananu kántiku ho refrain hanesan: "CPLP no CEDEAO hatene ona katak la’óa ami mak kria konfuzaun iha nasaun. Sira hatene ona sé mak kria konfuzaun iha nasaun".

SAPO TL ho Lusa

Sem comentários: