Vise
Prezidente Komisaun A, Parlamentu Nasional (PN) trata asuntu Lei, Justisa,
Administrasaun Publiku, Poder Lokal no Anti Korrupsaun, Arão Noe de
Jesus, fo sasin katak, maioria rai igreja (misaun)nian la iha titulu, tanba rai
balu oferese deit husi komunidade.
“Hau
hakarak dehan katak, kona ba lei rai antes ne’e mos ami komisaun halo audensia
ho reprezentante husi Diocese tolu (Baucau, Dili ho Maliana), problema ne’ebe
iha maka rai igraja barak liu laiha titulu, rai ne’ebe fo husi komunidade iha
tempu uluk,” hateten Deputadu Arão Noe de Jesus, ba jornalista sira iha PN,
Tersa (21/06/2016).
Deputado
bankada CNRT ne’e esplika katak, tuir lei mos garante katak se iha rai ne’ebe
okupa husi ema ida, no durante tempu naruk laiha ema ida kestiona, laiha ema
ida tau problema, rai ne’e hela ho nia, ne’ebe rai igreja nian ne’ebe fo duni
husi komunidade sira no komunidade rekonhese katak igraja nian, entaun bele mos
hetan titulu kuandu depois lei ne’e aprova.
“Kuandu
lei ne’e aprova sidadaun hot-hotu ne’ebe iha rai, mais durante nia uja tempu
naruk hanesan tinan rua nulu resin lima ba leten, nia iha aihoris iha laran no
mos nia uma, rai ne’e durante ema lakestiona, masmu nia laiha testu, mais
Estado rekonhese ho lei ne’e bele atribui titulu ne’e aban bainrua kuandu lei
ne’e aprova,” dehan Arão Noe.
Arão
esplika klaru liu tan katak, sertifikadu tempu okupasaun Portugues no Indonesia
nian mos Estado rekonhese katak sertifikadu ne’e validu.
“Tuir
lei ne’e rekonhese valida dereitu anteriores. Dereitu anteriores ne’e iha
rua hanesan dereitu de titularidade no dereitu anteriores ida hanesan
okupasaun, hanesan nia okupa rai ida ho tempu naruk ne’e mos nia bele hetan
titulu, titulu anterior tempu portugues ho tempu Indonesia validu, depois rai
ne’ebe sira nian, mais ema okupa sorin liu husi fundu espropriasaun ne’e Estado
bele selu fali ba ema ida rai nain ne’e, sira ne’ebe okupante selu fali ba
Estado neneik to’o aban bainrua sira bele hetan fali titulu ba rai ne’ebe sira
okupa.
Arão
dehan lei ne’e iha justisa sosial, katak rai na’in la lakon ema ne’ebe okupa
tempu naruk mos lalakon, katak nia mos bele hetan titulu, kuandu nia okupa
duni, maibe okupante ne’e tenke rekonhese duni ho boa fe, labele ma fe.mia
Jornal
Nacional
Sem comentários:
Enviar um comentário