PN REKONESE SEIDAUK RATIFIKA PREZIDENTE TRIBUNAL REKURSU

DILI - Prezidente Republika (PR), Taur Matan Ruak, antes ne’e fó ona posse ba Prezidente Tribunál Rekursu(TR), Guilhermino da Silva, maibé Parlamentu Nasionál (PN) seidauk halo ratifikasaun.

Prezidente PN, Aderito Hugo da Costa, hatete, kompetensia ratifikasaun ba Prezidente TR ne’e kompetensia parlamentu nian tuir lei.

“Ami seidauk konsege halo ratifikasaun ba sr. Guilhermino mesmu ke nia hala’o tia ona servisu,” dehan, Aderito iha PN, Segunda (04/07).

Nia dehan, relasaun ho kondisaun saúde Presidente TR nian, deputadus sira mós iha plenária foti ona, maibé depende ba inisiativa iha direitu tomak atu halo tanbá ne’e sei avansa ho insiativas konkretu balun ne’ebé bele ajenda atu deskuti.

Wainhira husu durante ne’e la halo retifikasaun ba Prezidente TR, Aderito, dehan, retifikasaun depende ba inisiativa deputadu sira no husi bankada sira tanbá ne’e kompetensia fó husi lei katak iha direitu tomak deputadu sira.

“Ita kuandu iha inisiativa ruma no justifikasaun ruma ita bele tama ba ajende maibé kuandu laiha ita labele tama ba ajenda,” tenik nia.(rio)

Timor Post – Foto: Prezidente PN, Aderito Hugo da Costa