Klérigu
britániku Anjem Choudary, ne’ebé hetan akuzadu enkoraja joven musulmanu
sira, hetan kondena tamba apela apoiu ba grupu estremista Estadu Izlámiku (EI)
no hasoru pena tama kadeia.
Mane,
ho tinan 49 no ko-réu Mohammed Mizanur Rahman, ho tinan 33, koloka vídeo sériu
ida iha Youtube ne’ebé konvida apoiu ba grupu ne’e no jura fiar ba
líder hosi EI, Abu Bakr al-Baghdadi.
Hetan kondenadu tamba apoia organizasaun terrorista ilegál ida no mantein iha prizaun preventiva, hafoin hala’o ona julgamentu fulan kotuk, iha Londres.
Desizaun ikus lafó sai ba públiku to’o agora tamba limitasaun iha lei.
Chowdary hanesan responsável britániku hosi Islam4UK, ka al-Muhajiroun, grupu ida ko-fundadu hosi Omar Bakri Muhammad ne’ebé defende implementa lei izlámiku iha Reinu Unidu ne’ebé iha tempu ne’ebá hetan bandu.
Entre radikalizasaun sira hosi Muhajiroun konta moos ho bombista suisida ne’ebé hamate ema 52 iha transporte públiku londrinu fulan jullu 2005 no mane ida ne’ebé hamate soldadu Lee Rigby iha kapitál britániku 2013.
Sentensa marka ona ba loron 06 setembru no Choudary hasoru pena ida ho máximu prizaun tinan 10.
Antigu advogadu ne’e, iha oan lima, molok fó sai ona infornmasaun katak nia organiza eventu pró-Osama Bin Laden iha Londres, 2011, no integra ba grupu ida ne’ebé sunu papoila (símbolu ida ne’ebé omenajeia sira mate iha Funu) durante protestu iha Loron Armistísiu, iha Londres, 2010.
SAPO TL ho Lusa
Sem comentários:
Enviar um comentário