Hafoin
ferias ejame segundu periodiku 2016 kuaje semana rua tuir
kalendariu Ministerio Edukasaun (ME) estudante hotu-hotu hahu husi estudante
Ensinu Primaria (EP) to’o iha estudante Ensinu 32 (SMP) no Ensinu
Sekundaria (ES) hahu fila fali prosesu aprendijajen.
Lia
hirak ne’e hato’o husi Diretor Eskola ensinu sekundariu jeral 5 de Maio, Manuel
Verdial ba jornalista sira iha nia servisu fatin Becora Tersa (16/8/2016).
“Lolos
horseik loron 15 fulan Agustu estudante sira hahu tama fila fali eskola maibe
tanba foin loron primeiru no hanesan bai-bain loron primeiru ne’e hahu ho
limpeja entaun ohin mak foin hahu prosesu aprendijajen hanesan bai-bain,”Manuel
Verdial hatete.
Nia
hatete maske data dia 15 nudar data ne’ebe tuir lolos estudante sira tama hotu
maibe na realiadade sei iha estudante lubuk ida mak ladauk tama sei iha
infomasaun no iha balun mak iha informasaun katak balun sei iha foho hodi foti
bukae no seluk tan.
Antes
ne’e Diretor Jeral Planeiamentu i Cooperasaun (DJPC)Antoninho Pires mos hatete
katak tuir kalendariu ME estudante hotu-hotu tenki ferias hodi fo
oportunidade ba profesores sira atu tuir formacão.
“Tuir
kalendariu edukasaun normalmetne kada ejame periodiku estudate hotu-hotu hahu
husi estudante primaria too sekundaria tenki ferias hotu apra profesores
sira bele ba tuir fali formasaun lingua Portugues,”nia haktuir.
Entertantu
Efrodito Ramos estudante Ensinu Sekundariu Geral (ESG) São Jose Operariu
Balide hatete, prosesu aprendijajen iha nia eskola refere hahu la’o iha
loron 15 de Agusto.
“Ohin
ami hahu prosesu aprendijajen hanesan bai-bain, lolos ne’e tama horsei maibe
tanba loron primeiru entaun ami mia limpeja depois agora mak foin
tama,”Efrodito hatete.
Tuir
observasaun diarione’e iha terenu nota katak, kauje eskola hotu-hotu hahu prosesu
aprendijajen hafaoin ferias kuaje semana rua maibe iha mos eskola balun hanesan
eskola Centro Chalom no Institutu Siencia Cristal (ISC) ladauk hahu
prosesu aprendijajen no sei tama fila fali iha segunda oin mai.Ola
Jornal
Nacional
Sem comentários:
Enviar um comentário