Governu mosambikanu esklarese katak ladauk iha akordu ho Renamo

Delegasaun hosi Governu mosambikanu ne’ebé halo negosiasaun ho Renamo horisehik dehan katak ladauk iha akordu kona-ba nomeasaun hosi governadór provinsia opozisaun no entendimentu ikus foin bele taka iha altu nivel nian. 

“Ladauk iha desizaun ruma. Karik iha ema ruma maka dehan katak Governu aseita ona hodi nomeia governadór Renamo (Resistência Nacional Moçambicana) nian ba iha provínsia neen, ne’e sala. Lalos. Iha ipóteze”, tenik Jacinto Veloso, xefe delegasaun governamentál ba jornalista sira hodi esklarese termu komunikadu nian ida ne’ebé molok ne’e, lee hosi portavos sesaun negósiu nian.

Liu tiha ronda horisehik nian, José Manteigas, lider hosi ekipa negósiu hosi partidu opozisaun bot, ko’alia lori portavos komisaun mista nian, lee komunikadu ne’ebé deklara “kona-ba governasaun iha provinsia neen, ne’ebé maka delegasaun sira konkorda atu tenke hetan mekanismu legál ba nomeasaun provizóriu hosi governadór provinsiál hosi partidu Renamo nian, iha tempu badak”.

SAPO TL ho Lusa