Grupu parlamentár Timór sei debate kona-ba saúde reprodutiva no planeamentu familiár

Saúde reprodutiva no planeamentu familiár maka sai hanesan tema sentrál hosi konferénsia ne’ebé Grupu Feto Parlamentár Timor-Leste sei hala’o semana oin iha Dili, hamutuk ho reprezentante Governu, sosiedade sivil nomós Igreja. 

Atu analiza kona-ba progresu implementasaun planu asaun ba setór ne’ebé aprova iha 2010, iha kuadru ajenda dezenvolvimentu nasionál, maka sai hanesan propózitu ida hosi sorumutu ne’ebé halibur espesialista nasionál no internasionál sira.

Sorumutu durante loron rua, hosi 21-22 setembru ne’e, sei loke hosi prezidente Parlamentu Nasionál, Adérito Hugo da Costa nomós hosi primeiru ministru, Rui Maria de Araújo.

Direitu ba saúde sexuál no reprodutiva iha kontestu dezenvolvimentu sustentável, análize komparativa kona-ba situasaun iha Ázia no Pasífika, papel Governu, Igreja nomós soeidade sivil nian, maka sai nu’udar tema hosi ajenda enkontru nian.

SAPO TL ho Lusa – Foto: António Casais